AQSh-tyń Almatydaǵy bas konsýldyǵynyń qurylysyn júrgizýge keletin amerikalyq mamandarǵa úsh jyldyq viza beriledi. Bul týraly Senat otyrysynda QR Syrtqy ister ministriniń birinshi orynbasary Aqan Rahmetýllin málimdedi, dep habarlaidy Dalanews.kz.
"Bas konsýldyqtyń qurylysymen ainalysatyn amerikalyq mamandarǵa viza úsh jylǵa beriledi jáne keiin onyń merzimin uzartý múmkindigi qarastyrylǵan", – dedi Rahmetýllin Almatyda AQSh konsýldyǵy salynatyn jer telimin jalǵa berý týraly kelisimge qatysty depýtattardyń saýaldaryna jaýap bere otyryp.
Onyń aitýynsha, kelisimge sáikes, AQSh-tan keletin jumysshylar Qazaqstanda eńbek etý úshin úsh jyldyq viza alýǵa mindetti. Eger olar elimizdegi vizalyq talaptarǵa sáikes kelmese, onda Qazaqstan zańnamasy aiasynda sheshim qabyldanady. Qajet bolǵan jaǵdaida, mundai viza berýden bas tartýǵa deiingi sharalar qoldanylýy múmkin.
"Alaida mundai jaǵdai týyndaǵan kúnniń ózinde, másele Qazaqstan men AQSh arasyndaǵy konsýltatsiialar arqyly sheshiledi", – dep tolyqtyrdy Rahmetýllin.
