Almatyda jer silkinisi boldy, - dep habarlaıdy Dalanews.kz.
TJM málimetinshe, 17 qazanda saǵat 03.23-te jer silkinisi tirkelgen. Epısentri Qytaı aýmaǵynda, Almaty qalasynan ońtústik-shyǵysqa qaraı 264 shaqyrym jerde ornalasqan.
"Almaty qalasynda 2 bal bolyp sezildi. Zardap shekkender týraly aqparat joq", - dep jazylǵan habarlamada.
Aıta keteıik, Almaty 9-10 baldyq seısmıkalyq aımaqta ornalasqan.
Jer silkinisi kezinde ne isteý kerek?
Jer silkinisi kezinde isteý qajet 10 qarapaıym qadam bar:
- Jer dúmpýi kezinde úreılenbeńiz;
- Jer silkinýi kezinde lıft jáne baspaldaq qoldanbańyz;
- Jıhazdan, terezeden ary turyńyz;
- Jasyrynatyn jer tabyńyz, joǵary qabattarda irgedegi qabyrǵalardyń buryshyna jasyrynyńyz;
- Ǵımarattan shyǵyńyz (tómengi qabattarda); kóp qabatty úılerde jer silkinisi aıaqtalǵan soń ǵımarattan shyǵyńyz;
- Keter aldynda sýdy, gazdy, elektr qýatyn múmkindigińiz bolsa óshirińiz;
- Dabyl sómkesin alyńyz (aldyn ala daıyndaý qajet);
- Elektr jelilerine, ǵımarat, aǵashtarǵa jaqyndamańyz;
- Jer silkinýine daıyn bolyńyz;
- Qarttarǵa, balalarǵa, múmkindigi shekteýli adamdarǵa kómek kórsetińiz.
