Baspasóz qyzmeti habarlaǵandai, jedel járdemde qazir 3 607 adam jumys isteidi. Dispetcherler sany – 98.
"COVID-19-ǵa qatysty jaǵdai boiynsha, dispetcherlik bólimde 1 maýsymdaǵy jaǵdaiǵa sáikes – 17 dispetcherden koronavirýs rastaldy. Juqpaly aýrýlar statsionarlarynda segiz adam jatyr, provizorlyq statsionarlarda toǵyz adam jatyr", – delinedi jedel járdemniń baspasóz qyzmeti bergen habarlamada.
Jedel járdem qyzmetiniń baspasóz hatshysy Gúlnar Qatybaevanyń dereginshe, qatynasta bolǵandar retinde 15 adam anyqtaldy, olardyń arasynda qyzmetkerlerdiń týystary da bar. Barlyǵy oqshaýlandy.
