Almatyda ekologıalyq jaǵdaıdy jaqsartýǵa jáne qalany kógaldandyrýǵa baǵyttalǵan respýblıkalyq "Taza Qazaqstan" baǵdarlamasy aıasynda aýqymdy ekoaksıa ótti. "Jarqyn kúz" atty naýqan qaladaǵy 8 aýdan turǵyndaryn biriktirip, kóshe tazalaý men aǵash otyrǵyzý jumystaryna belsendi qatysty, dep habarlaıdy Dalanews.kz.

Aksıa barysynda qalany kógaldandyrýǵa úles qosqysy kelgen árbir turǵynǵa aǵash jáne buta kósheti berildi. Turǵyndar jańa jasyl aımaqtardy óz úıiniń mańynda, kóshe boıynda jáne qalanyń saıabaqtarynda egýge atsalysty.

Ekologıalyq aksıaǵa jalpy sany 10 myńnanastam qala turǵyny qatysyp, 300-den astamtehnıka men 1755 komýnaldyq qyzmetkerjumyldyryldy.

İs-sharadan jastar da shet qalmady. Olarmundaı is-sharanyń mańyzdylyǵyn atap, árkimnińóz súıikti qalasyn tazalaý men kógaldandyrýǵaúles qosýǵa múmkindigi bolýy kerektigin aıtty.

"Almatydaǵy jarqyn kúz – bul tek qala túrli túske boıalatyn ýaqyt emes, sonymen qatar bizge týǵan shaharymyzǵa qamqorlyq tanytýǵa tamasha múmkindik. Senbilikke qatysý arqyly qoqys jınap qana qoımaı, árqaısymyzdyń qalanyń tazalyǵy men jaılylyǵyna úles qosa alatynymyzdy kórsetemiz. Biz birikkende kóshei tazalaý sıaqty qarapaıym árekettiń ózi Almatynyń bolashaǵyna qosqan úles. Bul bizdiń qalamyz, onyń sulýlyǵy – bizdiń qolymyzda", – dedi Almaty qalasynyń Jastar saıasatyn damytý memlekettik qorynyń dırektory mindetin atqarýshy Baǵdat Anarbaeva.

Senbilikke balalar da belsendi qatysty, olar eresektermen birge qoqys jınap, aǵash otyrǵyzdy.

"Balalardyń senbilikke qatysýy – tazalyqqa kómektesý ǵana emes, bul jaýapkershilik pen týǵan qalasyna degen súıispenshilikke tárbıeleý. Osyndaı qarapaıym is-áreket arqyly olar qorshaǵan ortaǵa uqypty qaraýdy úırenedi jáne tazalyq pen tártip árqaısymyzǵa baılanysty ekenin túsinedi. Búgin olar japyraq jınaýǵa kómektesip jatyr, al erteń qorshaǵan álemdi jaqsartýǵa tyrysady", – dedi ata-analar.

Aýqymdy tazalyq jumystary barysyndademalys aımaqtary, saıabaqtar, skverler jáne aýla mańy tazartylyp, shamamen 4 myń tekshe metr qoqys jınaldy. Jınalǵan qoqys qala ákimdiginińkúshimen polıgonǵa shyǵaryldy.

Qala aýmaǵyn tazalaýmen qatar, sharanyńsımvoldyq jetistigi 10 myńnan astam aǵashotyrǵyzý boldy. Almatylyqtardyń basty jınalýorny jańa ALA parki bolyp, onda shamamen 1200 kóshet otyrǵyzyldy. Sondaı-aq, jasyl jelekGagarın dańǵyly boıyndaǵy býlvarda, Alataý aýdanynda, Jeltoqsan saıabaǵynda, Kókjıek shaǵyn aýdany jáne t.b. jerlerde otyrǵyzyldy.

Aksıa halyq tarapynan úlken qoldaý tapty. İs-sharaǵa Qazaqstannyń halyq artısi Altynbek Qorazbaev ta qatysty. Ol mundaı aksıanyń ótkizilýin jaıly qalalyq orta qalyptastyrýdaǵy mańyzdy qadam dep atap ótti.

"Osyndaı sharalar jastardyń súıikti qalamyzǵa degen jaýapkershilik sezimin tárbıeleıdi. Arý qala Almatymyz gúldene bersin!" – dep batasyn berdi.

Alma aǵashtary, qaraǵash, akasıa, úıeńki, shegirshin jáne t.b. qalaǵa beıimdelgen aǵash túrleri tańdap, otyrǵyzyldy.  

Sondaı-aq, senbilikte mádenı-oıyn-saýyqbaǵdarlamasy uıymdastyryldy.