الماتىدا ەكولوگيالىق جاعدايدى جاقسارتۋعا جانە قالانى كوگالداندىرۋعا باعىتتالعان رەسپۋبليكالىق "تازا قازاقستان" باعدارلاماسى اياسىندا اۋقىمدى ەكواكسيا ءوتتى. "جارقىن كۇز" اتتى ناۋقان قالاداعى 8 اۋدان تۇرعىندارىن بىرىكتىرىپ، كوشە تازالاۋ مەن اعاش وتىرعىزۋ جۇمىستارىنا بەلسەندى قاتىستى، دەپ حابارلايدى Dalanews.kz.
اكسيا بارىسىندا قالانى كوگالداندىرۋعا ۇلەس قوسقىسى كەلگەن ءاربىر تۇرعىنعا اعاش جانە بۇتا كوشەتءى بەرىلدى. تۇرعىندار جاڭا جاسىل ايماقتاردى ءوز ءۇيىنىڭ ماڭىندا، كوشە بويىندا جانە قالانىڭ ساياباقتارىندا ەگۋگە اتسالىستى.
ەكولوگيالىق اكسياعا جالپى سانى 10 مىڭناناستام قالا تۇرعىنى قاتىسىپ، 300-دەن استامتەحنيكا مەن 1755 كوممۋنالدىق قىزمەتكەرجۇمىلدىرىلدى.
ءىس-شارادان جاستار دا شەت قالمادى. ولارمۇنداي ءىس-شارانىڭ ماڭىزدىلىعىن اتاپ، اركىمنىڭوز سۇيىكتى قالاسىن تازالاۋ مەن كوگالداندىرۋعاۇلەس قوسۋعا مۇمكىندىگى بولۋى كەرەكتىگىن ايتتى.
"الماتىداعى جارقىن كۇز – بۇل تەك قالا ءتۇرلى تۇسكە بويالاتىن ۋاقىت ەمەس، سونىمەن قاتار بىزگە تۋعان شاھارىمىزعا قامقورلىق تانىتۋعا تاماشا مۇمكىندىك. سەنبىلىككە قاتىسۋ ارقىلى قوقىس جيناپ قانا قويماي، ءارقايسىمىزدىڭ قالانىڭ تازالىعى مەن جايلىلىعىنا ۇلەس قوسا الاتىنىمىزدى كورسەتەمىز. ءبىز بىرىككەندە كوشەى تازالاۋ سياقتى قاراپايىم ارەكەتتىڭ ءوزى الماتىنىڭ بولاشاعىنا قوسقان ۇلەس. بۇل ءبىزدىڭ قالامىز، ونىڭ سۇلۋلىعى – ءبىزدىڭ قولىمىزدا"، – دەدى الماتى قالاسىنىڭ جاستار ساياساتىن دامىتۋ مەملەكەتتىك قورىنىڭ ديرەكتورى مىندەتىن اتقارۋشى باعدات اناربايەۆا.
سەنبىلىككە بالالار دا بەلسەندى قاتىستى، ولار ەرەسەكتەرمەن بىرگە قوقىس جيناپ، اعاش وتىرعىزدى.
"بالالاردىڭ سەنبىلىككە قاتىسۋى – تازالىققا كومەكتەسۋ عانا ەمەس، بۇل جاۋاپكەرشىلىك پەن تۋعان قالاسىنا دەگەن سۇيىسپەنشىلىككە تاربيەلەۋ. وسىنداي قاراپايىم ىس-ارەكەت ارقىلى ولار قورشاعان ورتاعا ۇقىپتى قاراۋدى ۇيرەنەدى جانە تازالىق پەن ءتارتىپ ءارقايسىمىزعا بايلانىستى ەكەنىن تۇسىنەدى. بۇگىن ولار جاپىراق جيناۋعا كومەكتەسىپ جاتىر، ال ەرتەڭ قورشاعان الەمدى جاقسارتۋعا تىرىسادى"، – دەدى اتا-انالار.
اۋقىمدى تازالىق جۇمىستارى بارىسىندادەمالىس ايماقتارى، ساياباقتار، سكۆەرلەر جانە اۋلا ماڭى تازارتىلىپ، شامامەن 4 مىڭ تەكشە مەتر قوقىس جينالدى. جينالعان قوقىس قالا اكىمدىگىنىڭكۇشىمەن پوليگونعا شىعارىلدى.
قالا اۋماعىن تازالاۋمەن قاتار، شارانىڭسيمۆولدىق جەتىستىگى 10 مىڭنان استام اعاشوتىرعىزۋ بولدى. الماتىلىقتاردىڭ باستى جينالۋورنى جاڭا ALA پاركى بولىپ، وندا شامامەن 1200 كوشەت وتىرعىزىلدى. سونداي-اق، جاسىل جەلەكگاگارين داڭعىلى بويىنداعى بۋلۆاردا، الاتاۋ اۋدانىندا، جەلتوقسان ساياباعىندا، كوكجيەك شاعىن اۋدانى جانە ت.ب. جەرلەردە وتىرعىزىلدى.
اكسيا حالىق تاراپىنان ۇلكەن قولداۋ تاپتى. ءىس-شاراعا قازاقستاننىڭ حالىق ءارتيسى التىنبەك قورازبايەۆ تا قاتىستى. ول مۇنداي اكسيانىڭ وتكىزىلۋىن جايلى قالالىق ورتا قالىپتاستىرۋداعى ماڭىزدى قادام دەپ اتاپ ءوتتى.
"وسىنداي شارالار جاستاردىڭ سۇيىكتى قالامىزعا دەگەن جاۋاپكەرشىلىك سەزىمىن تاربيەلەيدى. ارۋ قالا الماتىمىز گۇلدەنە بەرسىن!" – دەپ باتاسىن بەردى.
الما اعاشتارى، قاراعاش، اكاسيا، ۇيەڭكى، شەگىرشىن جانە ت.ب. قالاعا بەيىمدەلگەن اعاش تۇرلەرى تاڭداپ، وتىرعىزىلدى.
سونداي-اق، سەنبىلىكتە مادەني-ويىن-ساۋىقباعدارلاماسى ۇيىمداستىرىلدى.
