Almatyda esirtki jarnamasy bar paraqshalardy taratqandar ustaldy, - dep habarlaidy Dalanews.kz.
Qala prokýratýrasynyń úilestirýimen politsiia qyzmetkerleri qoǵamdyq oryndarda esirtki zattaryn jarnamalaýǵa qarsy is-qimylboiynsha jedel-tergeý is-sharalaryn júrgizdi.
Birlesken jumystyń barysynda "50 000 rýblden bastap barlyǵyna jumys, erkin jumys kestesi, joǵary jalaqy" degen mátinde habarlandyrýy bar paraqtardy jabystyryp júrgen eki adamnyń zańsyz áreketteriniń joly kesildi.
Atalǵan adamdarda QR-kod beinelengen 300-den astam paraq bolǵan, oǵan ótken kezde esirtki quraldaryn ótkizý jónindegi "Telegram" - arnaǵa silteme jasalady.
Bastalǵan sotqa deiingi tergep-tekserý boiynsha Qazaqstan Respýblikasy Qylmystyq kodeksiniń 299-1-baby boiynsha alty jylǵa deiin bas bostandyǵynan aiyrý jazasy kózdelgen, tiisti jedel is-sharalar júrgizilýde.
Qala prokýratýrasy azamattardy baiýdyń jeńil tásilderin jáne joǵary tabys tabýdy usynatyn kúmándi jumys berýshilerge barmaýǵa, kerisinshe, mundai faktiler anyqtalǵan kezde quqyq qorǵaý organdaryna dereý habarlaýǵa shaqyrady.
