AQSh pen Qytai saýda salasyndaǵy ýaqytsha bitimniń merzimin uzartý jóninde kelisimge keldi. Bul týraly AQSh qarjy ministri Skott Bessent málimdedi, dep habarlaidy dalanews.kz.
Onyń aitýynsha, jańa ýaǵdalastyqqa sáikes, eki el arasyndaǵy saýda bitimi 10 qańtarǵa deiin jalǵasady. Buǵan deiin onyń merzimi 10 qarashada aiaqtalýy tiis bolǵan.
Malim.kz basylymynyń jazýynsha, bul málimdeme AQSh prezidenti Donald Tramp Qytai tóraǵasy Si Tszinpindi Merilend shtatyndaǵy Endriýs áskeri bazasynda qarsy alǵannan keiin jasaldy.
Qytaidyń Vashingtondaǵy elshiligi kelisimge qatysty ázirge resmi túsinikteme bergen joq. Degenmen elshilik jariialaǵan Si Tszinpinniń jazbasha málimdemesinde eki memleket arasyndaǵy qarym-qatynasqa toqtalǵan.
Alaida bul málimdemede saýda kelisimi týraly naqty aqparat aitylmaǵan.
Skott Bessent Fox News telearnasyna bergen suhbatynda Vashington men Beijiń arasynda birqatar kúrdeli másele áli de sheshilmegenin jetkizdi.
Olardyń qatarynda sirek kezdesetin metaldardyń eksportyna qoiylatyn shekteýler, kompiýterlik chipter saýdasy, Qytaidyń Iranmen qarym-qatynasy jáne Taivan máselesi bar.
Si Tszinpin AQSh-qa úsh kúndik saparmen kelgen. Onyń barysynda eki el arasyndaǵy saýda-ekonomikalyq qatynastar men halyqaralyq kún tártibindegi birqatar másele talqylanady.
