اقش پەن قىتاي ساۋدا سالاسىنداعى ۋاقىتشا بٸتٸمنٸڭ مەرزٸمٸن ۇزارتۋ جٶنٸندە كەلٸسٸمگە كەلدٸ. بۇل تۋرالى اقش قارجى مينيسترٸ سكوتت بەسسەنت مەلٸمدەدٸ, دەپ حابارلايدى dalanews.kz.
ونىڭ ايتۋىنشا, جاڭا ۋاعدالاستىققا سەيكەس, ەكٸ ەل اراسىنداعى ساۋدا بٸتٸمٸ 10 قاڭتارعا دەيٸن جالعاسادى. بۇعان دەيٸن ونىڭ مەرزٸمٸ 10 قاراشادا اياقتالۋى تيٸس بولعان.
Malim.kz باسىلىمىنىڭ جازۋىنشا, بۇل مەلٸمدەمە اقش پرەزيدەنتٸ دونالد ترامپ قىتاي تٶراعاسى سي تسزينپيندٸ مەريلەند شتاتىنداعى ەندريۋس ەسكەري بازاسىندا قارسى العاننان كەيٸن جاسالدى.
قىتايدىڭ ۆاشينگتونداعى ەلشٸلٸگٸ كەلٸسٸمگە قاتىستى ەزٸرگە رەسمي تٷسٸنٸكتەمە بەرگەن جوق. دەگەنمەن ەلشٸلٸك جارييالاعان سي تسزينپيننٸڭ جازباشا مەلٸمدەمەسٸندە ەكٸ مەملەكەت اراسىنداعى قارىم-قاتىناسقا توقتالعان.
الايدا بۇل مەلٸمدەمەدە ساۋدا كەلٸسٸمٸ تۋرالى ناقتى اقپارات ايتىلماعان.
سكوتت بەسسەنت Fox News تەلەارناسىنا بەرگەن سۇحباتىندا ۆاشينگتون مەن بەيجٸڭ اراسىندا بٸرقاتار كٷردەلٸ مەسەلە ەلٸ دە شەشٸلمەگەنٸن جەتكٸزدٸ.
ولاردىڭ قاتارىندا سيرەك كەزدەسەتٸن مەتالداردىڭ ەكسپورتىنا قويىلاتىن شەكتەۋلەر, كومپيۋتەرلٸك چيپتەر ساۋداسى, قىتايدىڭ يرانمەن قارىم-قاتىناسى جەنە تايۆان مەسەلەسٸ بار.
سي تسزينپين اقش-قا ٷش كٷندٸك ساپارمەن كەلگەن. ونىڭ بارىسىندا ەكٸ ەل اراسىنداعى ساۋدا-ەكونوميكالىق قاتىناستار مەن حالىقارالىق كٷن تەرتٸبٸندەگٸ بٸرقاتار مەسەلە تالقىلانادى.
