Almaty qalasynyń 2030 jylǵa deiingi «Elektr jelilerin damytý jospary» ázirlendi. Bul týraly Almaty qalasy máslihatynyń kezekti sessiiasynda energetika jáne sýmen jabdyqtaý basqarmasy basshysynyń mindetin atqarýshy Nurbaqyt Serikbai habarlady, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Qujat elektrmen jabdyqtaý senimdiligin arttyrýǵa, energiia sapasyn jaqsartýǵa jáne qalanyń energetikalyq infraqurylymyn damytýǵa baǵyttalǵan.
Elektr jelilerin damytý jospary energetikalyq infraqurylym nysandaryn jańǵyrtý jáne salý baǵdarlamasyn qamtidy, ol 2030 jylǵa deiingi kezeńdi, al bolashaqta 2040 jylǵa deiingi damý perspektivasyn kózdeidi.
Qujatty ázirleý barysynda qalanyń energiia júiesiniń damý boljamy jasaldy, bul aldaǵy onjyldyqta qajetti resýrstardy tiimdi josparlaýǵa múmkindik beredi.
Almatynyń energetika salasyn taldaý shuǵyl sheshimdi qajet etetin birqatar ózekti máseleler men erekshelikterdi anyqtady. Atap aitqanda, 2030 jylǵa qarai megapolistiń tutyný qýaty 468 MVt-qa (48%-ǵa) ósip, 1450 MVt-ty quraidy dep kútilýde.
Atalǵan derekterdi eskere otyryp, josparda negizgi mindetter qarastyrylǵan: jańa qosalqy stantsiialardy salý, elektr jelilerin qaita qurý jáne jańǵyrtý, áýe jelilerin kabeldik jelilerge aýystyrý, jańa taratý pýnktterin ornatý jáne elektr berý jelilerin aýystyrý, sondai-aq jańa tutynýshylardy qosý shekteýlerin joiý.
Osy is-sharalardy iske asyrý elektrmen jabdyqtaýdyń senimdiligin aitarlyqtai arttyryp, tutynýshylar úshin elektr energiiasynyń sapasyn jaqsartady jáne jańa nysandardy qosý múmkindikterin jasaidy.
Almaty qalasynyń energetikalyq infraqurylymy qalanyń qarqyndy damýy men turǵyndarynyń qajettilikterin qamtamasyz etýde mańyzdy ról atqaratyny sózsiz. Shahardyń elektr jelilerin damytý jospary qalanyń energetikalyq infraqurylymyn jańǵyrtyp, elektrmen jabdyqtaý senimdiligin arttyra túsetini anyq.
Qazirgi ýaqytta Almaty qalasyndaǵy 10-6-0,4 kV kerneýli 2 478,76 km kabeldik jeliniń paidalaný merzimi 30 jyldan asyp, bul jalpy kólemniń 56%-yn quraidy. Onyń ishinde 948 shaqyrym jeliniń qyzmet etý merzimi 50 jyldan asqan. Jelilerdiń tozýy apattardyń kóbeiýine jáne elektrmen jabdyqtaýdaǵy úzilisterge ákeledi. Sondyqtan, tozǵan jelilerdi aýystyrý jáne jańalaryn salý arqyly elektrmen jabdyqtaý senimdiligin arttyrý kózdelgen.
2024 jyldyń qyrkúieginde qýaty 80 MVt bolatyn «Tuzdy bastaý» qosalqy stantsiiasynyń qurylysyn aiaqtaý josparlanyp otyr. Bul stantsiia 200 myń tutynýshyny elektr energiiasymen qamtamasyz etedi.
Almaty qalasynyń bas josparyna sáikes, elektrmen jabdyqtaý júiesin jańǵyrtý jáne keńeitý arqyly qalanyń áleýmettik jáne ekonomikalyq damýyn qamtamasyz etý kózdelgen.
Jańa jospar 2025 jylǵa qarai elektr jelileriniń tozý deńgeiin 64%-ǵa deiin tómendetedi. Sonymen qatar Almatynyń «Elektr jelilerin damytý jospary» aldaǵy ýaqytta apattyq jaǵdailardyń sanyn azaityp, tutynýshylardy úzdiksiz elektr energiiasymen qamtamasyz etýge múmkindik beredi. Al qosalqy stantsiialar men jelilerdiń iske qosylýy jańa jáne qoldanystaǵy tutynýshylar úshin qýat tapshylyǵyn jabýǵa yqpal etetini sózsiz. Bul sharalar Almaty qalasynyń energetikalyq infraqurylymyn jańǵyrtýǵa, elektrmen jabdyqtaý senimdiligin arttyrýǵa jáne qalanyń turaqty damýyn qamtamasyz etýge baǵyttalǵan.
