الماتى قالاسىنىڭ 2030 جىلعا دەيىنگى «ەلەكتر جەلىلەرىن دامىتۋ جوسپارى» ازىرلەندى. بۇل تۋرالى الماتى قالاسى ءماسليحاتىنىڭ كەزەكتى سەسسياسىندا ەنەرگەتيكا جانە سۋمەن جابدىقتاۋ باسقارماسى باسشىسىنىڭ مىندەتىن اتقارۋشى نۇرباقىت سەرىكباي حابارلادى، – دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.
قۇجات ەلەكترمەن جابدىقتاۋ سەنىمدىلىگىن ارتتىرۋعا، ەنەرگيا ساپاسىن جاقسارتۋعا جانە قالانىڭ ەنەرگەتيكالىق ينفراقۇرىلىمىن دامىتۋعا باعىتتالعان.
ەلەكتر جەلىلەرىن دامىتۋ جوسپارى ەنەرگەتيكالىق ينفراقۇرىلىم نىساندارىن جاڭعىرتۋ جانە سالۋ باعدارلاماسىن قامتيدى، ول 2030 جىلعا دەيىنگى كەزەڭدى، ال بولاشاقتا 2040 جىلعا دەيىنگى دامۋ پەرسپەكتيۆاسىن كوزدەيدى.
قۇجاتتى ازىرلەۋ بارىسىندا قالانىڭ ەنەرگيا جۇيەسىنىڭ دامۋ بولجامى جاسالدى، بۇل الداعى ونجىلدىقتا قاجەتتى رەسۋرستاردى ءتيىمدى جوسپارلاۋعا مۇمكىندىك بەرەدى.
الماتىنىڭ ەنەرگەتيكا سالاسىن تالداۋ شۇعىل شەشىمدى قاجەت ەتەتىن ءبىرقاتار وزەكتى ماسەلەلەر مەن ەرەكشەلىكتەردى انىقتادى. اتاپ ايتقاندا، 2030 جىلعا قاراي مەگاپوليستىڭ تۇتىنۋ قۋاتى 468 مۆت-قا (48%-عا) ءوسىپ، 1450 مۆت-تى قۇرايدى دەپ كۇتىلۋدە.
اتالعان دەرەكتەردى ەسكەرە وتىرىپ، جوسپاردا نەگىزگى مىندەتتەر قاراستىرىلعان: جاڭا قوسالقى ستانسيالاردى سالۋ، ەلەكتر جەلىلەرىن قايتا قۇرۋ جانە جاڭعىرتۋ، اۋە جەلىلەرىن كابەلدىك جەلىلەرگە اۋىستىرۋ، جاڭا تاراتۋ پۋنكتتەرىن ورناتۋ جانە ەلەكتر بەرۋ جەلىلەرىن اۋىستىرۋ، سونداي-اق جاڭا تۇتىنۋشىلاردى قوسۋ شەكتەۋلەرىن جويۋ.
وسى ءىس-شارالاردى ىسكە اسىرۋ ەلەكترمەن جابدىقتاۋدىڭ سەنىمدىلىگىن ايتارلىقتاي ارتتىرىپ، تۇتىنۋشىلار ءۇشىن ەلەكتر ەنەرگياسىنىڭ ساپاسىن جاقسارتادى جانە جاڭا نىسانداردى قوسۋ مۇمكىندىكتەرىن جاسايدى.
الماتى قالاسىنىڭ ەنەرگەتيكالىق ينفراقۇرىلىمى قالانىڭ قارقىندى دامۋى مەن تۇرعىندارىنىڭ قاجەتتىلىكتەرىن قامتاماسىز ەتۋدە ماڭىزدى ءرول اتقاراتىنى ءسوزسىز. شاھاردىڭ ەلەكتر جەلىلەرىن دامىتۋ جوسپارى قالانىڭ ەنەرگەتيكالىق ينفراقۇرىلىمىن جاڭعىرتىپ، ەلەكترمەن جابدىقتاۋ سەنىمدىلىگىن ارتتىرا تۇسەتىنى انىق.
قازىرگى ۋاقىتتا الماتى قالاسىنداعى 10-6-0،4 كۆ كەرنەۋلى 2 478،76 كم كابەلدىك جەلىنىڭ پايدالانۋ مەرزىمى 30 جىلدان اسىپ، بۇل جالپى كولەمنىڭ 56%-ىن قۇرايدى. ونىڭ ىشىندە 948 شاقىرىم جەلىنىڭ قىزمەت ەتۋ مەرزىمى 50 جىلدان اسقان. جەلىلەردىڭ توزۋى اپاتتاردىڭ كوبەيۋىنە جانە ەلەكترمەن جابدىقتاۋداعى ۇزىلىستەرگە اكەلەدى. سوندىقتان، توزعان جەلىلەردى اۋىستىرۋ جانە جاڭالارىن سالۋ ارقىلى ەلەكترمەن جابدىقتاۋ سەنىمدىلىگىن ارتتىرۋ كوزدەلگەن.
2024 جىلدىڭ قىركۇيەگىندە قۋاتى 80 مۆت بولاتىن «تۇزدى باستاۋ» قوسالقى ستانسياسىنىڭ قۇرىلىسىن اياقتاۋ جوسپارلانىپ وتىر. بۇل ستانسيا 200 مىڭ تۇتىنۋشىنى ەلەكتر ەنەرگياسىمەن قامتاماسىز ەتەدى.
الماتى قالاسىنىڭ باس جوسپارىنا سايكەس، ەلەكترمەن جابدىقتاۋ جۇيەسىن جاڭعىرتۋ جانە كەڭەيتۋ ارقىلى قالانىڭ الەۋمەتتىك جانە ەكونوميكالىق دامۋىن قامتاماسىز ەتۋ كوزدەلگەن.
جاڭا جوسپار 2025 جىلعا قاراي ەلەكتر جەلىلەرىنىڭ توزۋ دەڭگەيىن 64%-عا دەيىن تومەندەتەدى. سونىمەن قاتار الماتىنىڭ «ەلەكتر جەلىلەرىن دامىتۋ جوسپارى» الداعى ۋاقىتتا اپاتتىق جاعدايلاردىڭ سانىن ازايتىپ، تۇتىنۋشىلاردى ۇزدىكسىز ەلەكتر ەنەرگياسىمەن قامتاماسىز ەتۋگە مۇمكىندىك بەرەدى. ال قوسالقى ستانسيالار مەن جەلىلەردىڭ ىسكە قوسىلۋى جاڭا جانە قولدانىستاعى تۇتىنۋشىلار ءۇشىن قۋات تاپشىلىعىن جابۋعا ىقپال ەتەتىنى ءسوزسىز. بۇل شارالار الماتى قالاسىنىڭ ەنەرگەتيكالىق ينفراقۇرىلىمىن جاڭعىرتۋعا، ەلەكترمەن جابدىقتاۋ سەنىمدىلىگىن ارتتىرۋعا جانە قالانىڭ تۇراقتى دامۋىن قامتاماسىز ەتۋگە باعىتتالعان.
