Almatydaǵy Raiymbek batyr dańǵylyndaǵy josparly jóndeý jumystaryna bailanysty kei kóshelerde jaryq sóndiriledi, – dep habarlaidy Dalanews.kz
Qala ákimdiginen málim etkendei, osy aptada Raiymbek batyr dańǵylynda mynandai jumystar qolǵa alyndy:
- Eski jabyndyny alý, trotýar boiyna jiektas pen granit jiektas ornatý;
- Tas tóseý jáne aryq naýalaryn ornatý;
- Sýarý jáne kóshe jaryqtandyrý júieleri úshin transheialar daiyndaý;
- Kógaldandyrý, jaiaý júrginshiler aimaqtary men velojolaqtar salý.
"Barlyq jumys dańǵyldy jaily ári qaýipsiz etýge baǵyttalǵan: oryndyqtar ornatylyp, jaryq tartylyp, jaiaý júrginshiler ótkelderi jańartylmaq. Bul turǵyndar úshin, sonyń ishinde múmkindigi shekteýli adamdar úshin de qolaily", - dep atap ótti ákimdikten.
Jóndeý jumystary barysynda Seifýllin kóshesinen Bókeihanov kóshesine deiingi aralyqta kólik qozǵalysyna ýaqytsha shekteýler qoiylyp, kóshe jaryǵy sónýi múmkin.
Osyǵan deiin BRT qurylysy kezinde búlingen jiekter ǵana aýystyrylatyny týraly jazǵanbyz.
Eske salaiyq, Raiymbek dańǵylynda BRT qurylysy sáýir aiynda bastalǵan bolatyn.
