الماتىداعى رايىمبەك باتىر داڭعىلىنداعى جوسپارلى جوندەۋ جۇمىستارىنا بايلانىستى كەي كوشەلەردە جارىق سوندىرىلەدى، – دەپ حابارلايدى Dalanews.kz
قالا اكىمدىگىنەن ءمالىم ەتكەندەي، وسى اپتادا رايىمبەك باتىر داڭعىلىندا مىنانداي جۇمىستار قولعا الىندى:
- ەسكى جابىندىنى الۋ، تروتۋار بويىنا جيەكتاس پەن گرانيت جيەكتاس ورناتۋ؛
- تاس توسەۋ جانە ارىق ناۋالارىن ورناتۋ؛
- سۋارۋ جانە كوشە جارىقتاندىرۋ جۇيەلەرى ءۇشىن ترانشەيالار دايىنداۋ؛
- كوگالداندىرۋ، جاياۋ جۇرگىنشىلەر ايماقتارى مەن ۆەلوجولاقتار سالۋ.
"بارلىق جۇمىس داڭعىلدى جايلى ءارى ءقاۋىپسىز ەتۋگە باعىتتالعان: ورىندىقتار ورناتىلىپ، جارىق تارتىلىپ، جاياۋ جۇرگىنشىلەر وتكەلدەرى جاڭارتىلماق. بۇل تۇرعىندار ءۇشىن، سونىڭ ىشىندە مۇمكىندىگى شەكتەۋلى ادامدار ءۇشىن دە قولايلى"، - دەپ اتاپ ءوتتى اكىمدىكتەن.
جوندەۋ جۇمىستارى بارىسىندا سەيفۋللين كوشەسىنەن بوكەيحانوۆ كوشەسىنە دەيىنگى ارالىقتا كولىك قوزعالىسىنا ۋاقىتشا شەكتەۋلەر قويىلىپ، كوشە جارىعى ءسونۋى مۇمكىن.
وسىعان دەيىن BRT قۇرىلىسى كەزىندە بۇلىنگەن جيەكتەر عانا اۋىستىرىلاتىنى تۋرالى جازعانبىز.
ەسكە سالايىق، رايىمبەك داڭعىلىندا BRT قۇرىلىسى ءساۋىر ايىندا باستالعان بولاتىن.
