Almaty ákimi Erbolat Dosaev Raiymbek dańǵylynda BRT jobasy 2025 jyly bastalatynyn málimdedi.
"Raiymbek boiynsha BRT jobasy dańǵyldy qasbetten qasbetke deiin jańartýdy kózdeidi", – dedi Almaty ákimi Erbolat Dosaev.
Onyń aitýynsha, jumystar kelesi jyly bastalyp, joldardyń shekti jabylýymen, toqsan saiyn júrgiziletin bolady. Joba aiasynda qoǵamdyq kólikterge arnalǵan arnaiy jolaq qurylyp, qiylystardyń janyna jańa aialdamalar ornatylady, sondai-aq búkil kósheni keshendi abattandyrý júrgiziledi. Uzyn avtobýstar men olardyń jolyn bólý arqyly qalanyń shyǵys jáne batys bólikteriniń kólik bailanysy artady.
Jumystar birneshe kezeńge bólinedi:
Pýshkin kóshesinen Seifýllin dańǵylyna deiin;
Seifýllin dańǵylynan Ahremenko kóshesine deiin;
Ahremenko kóshesinen "Barlyq" bazaryna deiin.
BRT jobasy – Almaty Bas josparynyń 2040 jylǵa deiingi bóligi, ol kólik infraqurylymyn jáne qala turǵyndary úshin qoǵamdyq kóliktiń qoljetimdiligin jaqsartýǵa arnalǵan.
