Almatyda balalardyń terezeden qulaý jaǵdailaryn boldyrmaý maqsatynda keshendi aldyn alý jumystary júrgizilýde,- dep habarlaidy Dalanews.kz
Áleýmettik jaǵdaiy tómen otbasylar úshin 1 425 tereze shektegish satyp alynyp, onyń 465-i tegin ornatyldy. Qaýipsizdik sharalary boiynsha qala turǵyndaryna keń kólemdi aqparattyq naýqan uiymdastyryldy.
Atap aitqanda, 2,7 million adamǵa SMS-habarlama joldandy. Sonymen qatar mektepter men balabaqshalarda qaýipsiz minez-qulyq erejelerine arnalǵan sabaqtar men oiyndar ótkizildi. Turǵyndarmen kezdesýler uiymdastyrylyp, 7 myńnan astam jadynama taratyldy.
Aqparattyq materialdar turǵyn úilerdiń podezderinde, LED-ekrandarda, áleýmettik jelilerde, telearnalar men radio arqyly jariialanýda. Sondai-aq qala aýmaǵyndaǵy lagerlerde demalyp jatqan 100-den astam balaǵa «Qaýipsizdik mobildi mektebi» oqytýyn ótkizdi.
Almaty qalasy Tótenshe jaǵdailar departamentiniń aitýynsha, mundai sharalardyń basty maqsaty – árbir balanyń ómiri men densaýlyǵyn qorǵaý.
