الماتىدا بالالاردىڭ تەرەزەدەن قۇلاۋ جاعدايلارىن بولدىرماۋ ماقساتىندا كەشەندى الدىن الۋ جۇمىستارى جۇرگىزىلۋدە،- دەپ حابارلايدى Dalanews.kz

الەۋمەتتىك جاعدايى تومەن وتباسىلار ءۇشىن 1 425 تەرەزە شەكتەگىش ساتىپ الىنىپ، ونىڭ 465ء-ى تەگىن ورناتىلدى. قاۋىپسىزدىك شارالارى بويىنشا قالا تۇرعىندارىنا كەڭ كولەمدى اقپاراتتىق ناۋقان ۇيىمداستىرىلدى.

اتاپ ايتقاندا، 2،7 ميلليون ادامعا SMS-حابارلاما جولداندى. سونىمەن قاتار مەكتەپتەر مەن بالاباقشالاردا ءقاۋىپسىز مىنەز-قۇلىق ەرەجەلەرىنە ارنالعان ساباقتار مەن ويىندار وتكىزىلدى. تۇرعىندارمەن كەزدەسۋلەر ۇيىمداستىرىلىپ، 7 مىڭنان استام جادىناما تاراتىلدى.

اقپاراتتىق ماتەريالدار تۇرعىن ۇيلەردىڭ پودەزدەرىندە، LED-ەكرانداردا، الەۋمەتتىك جەلىلەردە، تەلەارنالار مەن راديو ارقىلى جاريالانۋدا. سونداي-اق قالا اۋماعىنداعى لاگەرلەردە دەمالىپ جاتقان 100-دەن استام بالاعا «قاۋىپسىزدىك ءموبيلدى مەكتەبى» وقىتۋىن وتكىزدى.

الماتى قالاسى توتەنشە جاعدايلار دەپارتامەنتىنىڭ ايتۋىنشا، مۇنداي شارالاردىڭ باستى ماقساتى – ءاربىر بالانىڭ ءومىرى مەن دەنساۋلىعىن قورعاۋ.