Almatyda azyq-túlik pen qurylys materialdaryn óndirý jobalary sátti júzege asýda
Óńirlik kommýnikatsiialar qyzmetinde ótken brifingte Almaty indýstriialdy aimaǵynyń direktory Ádil Amralin azyq-túlik ónerkásibi men qurylys materialdary salasyndaǵy jańa jobalardy iske asyrý týraly habarlady.
«Biotech Karal» kompaniiasy úi janýarlaryna arnalǵan biotamaqty qospalar men tyńaitqyshtar óndiretin alǵashqy zaýyttyń biri. Á. Amralinniń aitýynsha, onyń qurylysy biyl bastalǵan. Birinshi kezeńi 2022 jyly aiaqtalady. Qurylystyń ekinshi kezeńin 2024 jyly aiaqtaý josparlanyp otyr. Jobanyń quny 850 mln teńgeni quraidy. Zaýyt 130 jańa jumys ornyn ashady. Kásiporynnyń qýattylyǵy jylyna 6,7 mln litr daiyn ónim shyǵarýdy kózdeidi.
Indýstrialdy aimaqtyń direktory aitqan ekinshi zaýyt – «Lemonadoff Food». Bul qýattylyǵy jylyna 15 mln litr kóleminde alkogolsiz sýsyndar óndiretin ári 50 jumys ornyn ashatyn kásiporyn. Joba quny 316 mln teńgeni quraidy. 2024 jylǵa qarai jarty gektar ýchaskede zaýyt salynady, ol jylyna 500 mln teńgege ónim óndiredi.
Úshinshi nysan – «Sartai Energo Servis» avtoklavty gazobloktar men qurylys materialdaryn shyǵaratyn zaýyt qurylysy. Bul kompaniia «K7 Group» holdinginiń quramyna kiredi ári Batys Qazaqstannyń jyljymaityn múlik naryǵynyń ókili. Almatydaǵy zaýyt aliýminii vitrajdaryn, plastikalyq terezelerdi, avtoklavty gazobloktardy, vitrajdardy shyǵarady.
Usynylǵan zaýyttar tiziminde «ABM Building 2007» de bar. Munda kabeldik-ótkizgish ónim shyǵarylady.
– Kompaniia elektr energetikasy salasyndaǵy jobalardy iske asyrýmen ainalysady, indýstriialdy aimaqtaǵy zaýyt kabel-ótkizgish ónimderdiń 500-ge jýyq túrin óndiretin bolady. Olar kúshtik kabelder, baqylaý kabelderi, montajdaý symdary, SSP symdary. Kásiporynda 120 jumys ornyn qurý josparlanýda, – dedi Á. Amralin.
Almaty indýstrialdy aimaǵynda salynatyn taǵy bir kásiporyn – «NEFT» BK shyny talshyqty jáne kompozitti talshyqtan jasalǵan armatýra óndirý zaýyty. Á. Amralinniń aitýynsha, bul qurylys, dizain, sáýlet jáne injenerlik jobalaýdyń úlken tájiribesi bar otandyq kompaniia. Zaýyt shyny talshyqty, shyny tor, kompozitsiialyq materialdan armatýra shyǵarady. 60-qa jýyq jańa jumys ornyn qurý josparlanýda. Investor jobany iske asyrýǵa 1 mlrd. teńgeden astam qarjy salmaq.
«JARDI KZ» nan-toqash jáne aspazdyq ónimderdi, sondai-aq jartylai fabrikattaryn óndirý boiynsha zaýyt salý tizimde bar. Munda jylyna 3,3 myń tonna jartylai fabrikattar, 10 myń tonnadan astam túrli aspazdyq ónimder jáne jylyna 5 myń tonnadan astam naýbaihana ónimderi óndiriledi.
– Joba «JLC» holdinginiń ónimderin satatyn Almaty jáne Almaty oblysy boiynsha 175 dúkender jelisine óz ónimderin qosýdy kózdeidi. Jobanyń quny – 6 mlrd. teńgeni quraidy. 70-ten astam jumys orny ashylady, – dedi indýstrialdy aimaqtyń direktory.
Indýstrialdy aimaqta 2023 jylǵa qarai metall qurylymdary men polietilen qubyrlaryn shyǵaratyn «Burǵan-2005» ónerkásiptik kesheni salynady.
Qazirgi ýaqytta kompaniia qazandyq, týrbinalyq, elektr tehnikalyq, himiialyq jabdyqtarǵa, baqylaý júiesine, avariiaǵa qarsy qorǵaýǵa qyzmet kórsetýmen, qurylys materialdaryn óndirýmen, kótergish jáne qorshaý konstrýktsiialaryn salýmen ainalysady. Almaty indýstrialdy aimaǵynda kompaniia metall qurylymdary men polietilen qubyr fitingterin shyǵaratyn zaýyt salýdy josparlap otyr. Jobanyń quny 2 mlrd teńgeni quraidy. 90-ǵa jýyq jumys orny ashylady.
Qurylysy osy jyldyń tamyz aiynda bastalatyn «QAZAQ STROY» qurylys materialdaryn óndirý zaýyty segiz jobany aiaqtaidy.
– Bul kompaniia áleýmettik jáne kommertsiialyq turǵyn úi qurylysy retinde tanymal. Al olardyń qurylys materialdaryn shyǵaratyn zaýyt salsa, ótimdi bolar edi. Indýstriialdy aimaqta kompaniia gazobloktardy, betondy, jiektastardy, baspaldaq marshtaryn, kanalizatsiialyq shyǵyrshyqtardy, jylý trassalarynyń lotoktaryn óndirmek. Jobanyń quny 5,5 mlrd teńgeni quraidy. 180 jańa jumys ornyn qurý josparlanýda, – dedi Á. Amralin.
Osylaisha, indýstriialyq aimaqtyń 8 jańa jobasy 772 adamdy jumyspen qamtidy. Jalpy somasy 29,35 mlrd. teńgege jeke investitsiialar tartýǵa múmkindik beredi.
