وڭىرلىك كوممۋنيكاسيالار قىزمەتىندە وتكەن بريفينگتە الماتى يندۋستريالدى ايماعىنىڭ ديرەكتورى ءادىل امرالين ازىق-تۇلىك ونەركاسىبى مەن قۇرىلىس ماتەريالدارى سالاسىنداعى جاڭا جوبالاردى ىسكە اسىرۋ تۋرالى حابارلادى.
«Biotech Karal» كومپانياسى ءۇي جانۋارلارىنا ارنالعان بيوتاماقتى قوسپالار مەن تىڭايتقىشتار وندىرەتىن العاشقى زاۋىتتىڭ ءبىرى. ءا. ءامراليننىڭ ايتۋىنشا، ونىڭ قۇرىلىسى بيىل باستالعان. ءبىرىنشى كەزەڭى 2022 جىلى اياقتالادى. قۇرىلىستىڭ ەكىنشى كەزەڭىن 2024 جىلى اياقتاۋ جوسپارلانىپ وتىر. جوبانىڭ قۇنى 850 ملن تەڭگەنى قۇرايدى. زاۋىت 130 جاڭا جۇمىس ورنىن اشادى. كاسىپورىننىڭ قۋاتتىلىعى جىلىنا 6،7 ملن ليتر دايىن ءونىم شىعارۋدى كوزدەيدى.
يندۋستريالدى ايماقتىڭ ديرەكتورى ايتقان ەكىنشى زاۋىت – «Lemonadoff Food». بۇل قۋاتتىلىعى جىلىنا 15 ملن ليتر كولەمىندە الكوگولسىز سۋسىندار وندىرەتىن ءارى 50 جۇمىس ورنىن اشاتىن كاسىپورىن. جوبا قۇنى 316 ملن تەڭگەنى قۇرايدى. 2024 جىلعا قاراي جارتى گەكتار ۋچاسكەدە زاۋىت سالىنادى، ول جىلىنا 500 ملن تەڭگەگە ءونىم وندىرەدى.
ءۇشىنشى نىسان – «سارتاي ەنەرگو سەرۆيس» اۆتوكلاۆتى گازوبلوكتار مەن قۇرىلىس ماتەريالدارىن شىعاراتىن زاۋىت قۇرىلىسى. بۇل كومپانيا «K7 Group» حولدينگىنىڭ قۇرامىنا كىرەدى ءارى باتىس قازاقستاننىڭ جىلجىمايتىن مۇلىك نارىعىنىڭ وكىلى. الماتىداعى زاۋىت اليۋمينيي ۆيتراجدارىن، پلاستيكالىق تەرەزەلەردى، اۆتوكلاۆتى گازوبلوكتاردى، ۆيتراجداردى شىعارادى.
ۇسىنىلعان زاۋىتتار تىزىمىندە «ABM Building 2007» دە بار. مۇندا كابەلدىك-وتكىزگىش ءونىم شىعارىلادى.
– كومپانيا ەلەكتر ەنەرگەتيكاسى سالاسىنداعى جوبالاردى ىسكە اسىرۋمەن اينالىسادى، يندۋستريالدى ايماقتاعى زاۋىت كابەل-وتكىزگىش ونىمدەردىڭ 500-گە جۋىق ءتۇرىن وندىرەتىن بولادى. ولار كۇشتىك كابەلدەر، باقىلاۋ كابەلدەرى، مونتاجداۋ سىمدارى، سسپ سىمدارى. كاسىپورىندا 120 جۇمىس ورنىن قۇرۋ جوسپارلانۋدا، – دەدى ءا. امرالين.
الماتى يندۋستريالدى ايماعىندا سالىناتىن تاعى ءبىر كاسىپورىن – «NEFT» بك شىنى تالشىقتى جانە كومپوزيتتى تالشىقتان جاسالعان ارماتۋرا ءوندىرۋ زاۋىتى. ءا. ءامراليننىڭ ايتۋىنشا، بۇل قۇرىلىس، ديزاين، ساۋلەت جانە ينجەنەرلىك جوبالاۋدىڭ ۇلكەن تاجىريبەسى بار وتاندىق كومپانيا. زاۋىت شىنى تالشىقتى، شىنى تور، كومپوزيسيالىق ماتەريالدان ارماتۋرا شىعارادى. 60-قا جۋىق جاڭا جۇمىس ورنىن قۇرۋ جوسپارلانۋدا. ينۆەستور جوبانى ىسكە اسىرۋعا 1 ملرد. تەڭگەدەن استام قارجى سالماق.
«JARDI KZ» نان-توقاش جانە اسپازدىق ونىمدەردى، سونداي-اق جارتىلاي فابريكاتتارىن ءوندىرۋ بويىنشا زاۋىت سالۋ تىزىمدە بار. مۇندا جىلىنا 3،3 مىڭ توننا جارتىلاي فابريكاتتار، 10 مىڭ توننادان استام ءتۇرلى اسپازدىق ونىمدەر جانە جىلىنا 5 مىڭ توننادان استام ناۋبايحانا ونىمدەرى وندىرىلەدى.
– جوبا «JLC» حولدينگىنىڭ ونىمدەرىن ساتاتىن الماتى جانە الماتى وبلىسى بويىنشا 175 دۇكەندەر جەلىسىنە ءوز ونىمدەرىن قوسۋدى كوزدەيدى. جوبانىڭ قۇنى – 6 ملرد. تەڭگەنى قۇرايدى. 70-تەن استام جۇمىس ورنى اشىلادى، – دەدى يندۋستريالدى ايماقتىڭ ديرەكتورى.
يندۋستريالدى ايماقتا 2023 جىلعا قاراي مەتالل قۇرىلىمدارى مەن پوليەتيلەن قۇبىرلارىن شىعاراتىن «بۇرعان-2005» ونەركاسىپتىك كەشەنى سالىنادى.
قازىرگى ۋاقىتتا كومپانيا قازاندىق، تۋربينالىق، ەلەكتر تەحنيكالىق، حيميالىق جابدىقتارعا، باقىلاۋ جۇيەسىنە، اۆارياعا قارسى قورعاۋعا قىزمەت كورسەتۋمەن، قۇرىلىس ماتەريالدارىن وندىرۋمەن، كوتەرگىش جانە قورشاۋ كونسترۋكسيالارىن سالۋمەن اينالىسادى. الماتى يندۋستريالدى ايماعىندا كومپانيا مەتالل قۇرىلىمدارى مەن پوليەتيلەن قۇبىر فيتينگتەرىن شىعاراتىن زاۋىت سالۋدى جوسپارلاپ وتىر. جوبانىڭ قۇنى 2 ملرد تەڭگەنى قۇرايدى. 90-عا جۋىق جۇمىس ورنى اشىلادى.
قۇرىلىسى وسى جىلدىڭ تامىز ايىندا باستالاتىن «QAZAQ STROY» قۇرىلىس ماتەريالدارىن ءوندىرۋ زاۋىتى سەگىز جوبانى اياقتايدى.
– بۇل كومپانيا الەۋمەتتىك جانە كوممەرسيالىق تۇرعىن ءۇي قۇرىلىسى رەتىندە تانىمال. ال ولاردىڭ قۇرىلىس ماتەريالدارىن شىعاراتىن زاۋىت سالسا، ءوتىمدى بولار ەدى. يندۋستريالدى ايماقتا كومپانيا گازوبلوكتاردى، بەتوندى، جيەكتاستاردى، باسپالداق مارشتارىن، كاناليزاسيالىق شىعىرشىقتاردى، جىلۋ تراسسالارىنىڭ لوتوكتارىن وندىرمەك. جوبانىڭ قۇنى 5،5 ملرد تەڭگەنى قۇرايدى. 180 جاڭا جۇمىس ورنىن قۇرۋ جوسپارلانۋدا، – دەدى ءا. امرالين.
وسىلايشا، يندۋستريالىق ايماقتىڭ 8 جاڭا جوباسى 772 ادامدى جۇمىسپەن قامتيدى. جالپى سوماسى 29،35 ملرد. تەڭگەگە جەكە ينۆەستيسيالار تارتۋعا مۇمكىندىك بەرەدى.
