Almaty qalasynda alǵash ret eki adamǵa kózdiń qasań qabyǵy sátti kóshirildi. Operatsiialar Ortalyq qalalyq klinikalyq aýrýhana bazasynda ótti,- dep habarlaidy Dalanews.kz
Donor gemorragiialyq insýltpen Ortalyq qalalyq klinikalyq aýrýhanaǵa túsken patsient boldy.
"Eki kúnniń ishinde oǵan QR Densaýlyq saqtaý ministrliginiń hattamalaryna sáikes tolyq kólemde meditsinalyq kómek kórsetildi, dárigerlik konsiliýmdar ótkizildi. Mamandardyń barlyq kúsh-jigerine qaramastan, patsienttiń ómirin saqtap qalý múmkin bolmady - biologiialyq ólim boldy. Patsienttiń qaitys bolǵannan keiin aǵzalardyń donorlyǵyna resmi kelisimi boldy, sondai-aq onyń jaqyn týystary jazbasha túrde tiisti ruqsat berdi", - denlingen QR Densaýlyq saqtaý ministrliginiń habarlamasynda.
Kópmúshelik aǵza alýdan keiin donordyń júregi Astanadaǵy Ulttyq ǵylymi meditsinalyq ortalyqqa jetkizilip, naýqasqa sátti aýystyryldy. Qazir onyń jaǵdaiy qanaǵattanarlyq.
Búirekteri de Astanaǵa jetkizilip, balalarǵa salyndy. Eki transplantatsiia da sátti ótti.
Aita keteiik, kózdiń qasań qabyǵyn transplantatsiialaýdyń ereksheligi — ony alǵannan keiin múmkindiginshe tez arada, qaz-qalpynda alǵashqy táýliktiń ishinde salý qajet. Áitpese, tinder qasietterin joǵaltyp, jaramsyz bolyp qalady, bul kórý qabiletinen aiyrylǵan naýqastardyń qaita kórý úmitinen aiyrady.
Patsientterde keratopatiia býllozasy jáne móldir qabyqtyń bulyńǵyrlyǵy boldy - onyń qurylymy buzylǵan, isiný men kópirshikter (býllalar) paida bolatyn aýyr móldir qabyq aýrýy, bul tolyq soqyrlyqqa deiin kórý qabiletiniń qatty tómendeýine ákeledi.
Donorlyqqa jáne Ortalyq qalalyq klinikalyq aýrýhana dárigerleriniń joǵary biliktiliginiń arqasynda eki patsient te kórý qabiletin qalpyna keltirýge jáne tolyqqandy ómirge oralýǵa múmkindik aldy. Operatsiiadan keiingi kezeńde olar kórý fýnktsiiasynyń jaqsarýyn boljaidy.
