الماتى قالاسىندا العاش رەت ەكى ادامعا كوزدىڭ قاساڭ قابىعى ءساتتى كوشىرىلدى. وپەراسيالار ورتالىق قالالىق كلينيكالىق اۋرۋحانا بازاسىندا ءوتتى،- دەپ حابارلايدى Dalanews.kz
دونور گەمورراگيالىق ينسۋلتپەن ورتالىق قالالىق كلينيكالىق اۋرۋحاناعا تۇسكەن پاسيەنت بولدى.
"ەكى كۇننىڭ ىشىندە وعان ق ر دەنساۋلىق ساقتاۋ مينيسترلىگىنىڭ حاتتامالارىنا سايكەس تولىق كولەمدە مەديسينالىق كومەك كورسەتىلدى، دارىگەرلىك كونسيليۋمدار وتكىزىلدى. مامانداردىڭ بارلىق كۇش-جىگەرىنە قاراماستان، پاسيەنتتىڭ ءومىرىن ساقتاپ قالۋ مۇمكىن بولمادى - بيولوگيالىق ءولىم بولدى. پاسيەنتتىڭ قايتىس بولعاننان كەيىن اعزالاردىڭ دونورلىعىنا رەسمي كەلىسىمى بولدى، سونداي-اق ونىڭ جاقىن تۋىستارى جازباشا تۇردە ءتيىستى رۇقسات بەردى"، - دەنلىنگەن ق ر دەنساۋلىق ساقتاۋ مينيسترلىگىنىڭ حابارلاماسىندا.
كوپمۇشەلىك اعزا الۋدان كەيىن دونوردىڭ جۇرەگى استاناداعى ۇلتتىق عىلىمي مەديسينالىق ورتالىققا جەتكىزىلىپ، ناۋقاسقا ءساتتى اۋىستىرىلدى. ءقازىر ونىڭ جاعدايى قاناعاتتانارلىق.
بۇيرەكتەرى دە استاناعا جەتكىزىلىپ، بالالارعا سالىندى. ەكى ترانسپلانتاسيا دا ءساتتى ءوتتى.
ايتا كەتەيىك، كوزدىڭ قاساڭ قابىعىن ترانسپلانتاسيالاۋدىڭ ەرەكشەلىگى — ونى العاننان كەيىن مۇمكىندىگىنشە تەز ارادا، قاز-قالپىندا العاشقى تاۋلىكتىڭ ىشىندە سالۋ قاجەت. ايتپەسە، تىندەر قاسيەتتەرىن جوعالتىپ، جارامسىز بولىپ قالادى، بۇل كورۋ قابىلەتىنەن ايىرىلعان ناۋقاستاردىڭ قايتا كورۋ ۇمىتىنەن ايىرادى.
پاسيەنتتەردە كەراتوپاتيا بۋللوزاسى جانە ءمولدىر قابىقتىڭ بۇلىڭعىرلىعى بولدى - ونىڭ قۇرىلىمى بۇزىلعان، ءىسىنۋ مەن كوپىرشىكتەر (بۋللالار) پايدا بولاتىن اۋىر ءمولدىر قابىق اۋرۋى، بۇل تولىق سوقىرلىققا دەيىن كورۋ قابىلەتىنىڭ قاتتى تومەندەۋىنە اكەلەدى.
دونورلىققا جانە ورتالىق قالالىق كلينيكالىق اۋرۋحانا دارىگەرلەرىنىڭ جوعارى بىلىكتىلىگىنىڭ ارقاسىندا ەكى پاسيەنت تە كورۋ قابىلەتىن قالپىنا كەلتىرۋگە جانە تولىققاندى ومىرگە ورالۋعا مۇمكىندىك الدى. وپەراسيادان كەيىنگى كەزەڭدە ولار كورۋ فۋنكسياسىنىڭ جاقسارۋىن بولجايدى.
