Almatyda «Alataý» dástúrli óner teatryna alǵash ret kúrdeli jóndeý júrgizilýde. Ǵimarat paidalanýǵa berilgeli beri mundai aýqymdy jańartý qolǵa alynǵan emes. Nysandy Almaty máslihatynyń depýtattary baryp kórdi. Delegatsiiaǵa mádeniet, sport, ishki saiasat, din jáne jastar isi jónindegi komissiianyń tóraiymy Diana Erlan jetekshilik etti. Sondai-aq komissiia tóraǵasynyń orynbasary Serik Esmatov, depýtattar Erkin Raqyshev pen Dýlat Ramazanov boldy,- dep habarlaidy Dalanews.kz
Jóndeý jumystary teatrdyń negizgi aimaqtarynyń bárin qamtidy: qasbeti jańartylady, kinozal zamanaýi talaptarǵa sai qaita jasaqtalady, eden jabyny men oryndyqtary aýystyrylady, ǵimarattyń ainalasy abattandyrylady. Erekshe nazar az qozǵala alatyn azamattarǵa qolaily jaǵdai jasaýǵa bólingen. Júrgizilip jatqan jumystardyń maqsaty – kórermenge de, shyǵarmashylyq ujymǵa da yńǵaily orta qalyptastyrý.
Depýtattar qaladaǵy shyǵarmashylyq ujymdardyń jetistikterin joǵary baǵalap, olardyń respýblikalyq qana emes, halyqaralyq deńgeide de tabysty óner kórsetip júrgenin atap ótti.
– «Alataý» teatry 10 jyldyq mereitoiyn jańarǵan, zamanaýi kelbetimen qarsy alýy tiis. Kórermenge keń, jaryq ári qolaily keńistik qajet. Bul olardyń úmitin aqtap qana qoimai, spektakl aldynda jaǵymdy kóńil kúi syilap, teatrdan alǵan áserdi kúsheitedi, – dedi olar.
Kúrdeli jóndeýdi biylǵy jyldyń sońyna deiin aiaqtaý josparlanǵan.
