الماتىدا «الاتاۋ» ءداستۇرلى ونەر تەاترىنا العاش رەت كۇردەلى جوندەۋ جۇرگىزىلۋدە. عيمارات پايدالانۋعا بەرىلگەلى بەرى مۇنداي اۋقىمدى جاڭارتۋ قولعا الىنعان ەمەس. نىساندى الماتى ءماسليحاتىنىڭ دەپۋتاتتارى بارىپ كوردى. دەلەگاسياعا مادەنيەت، سپورت، ىشكى ساياسات، ءدىن جانە جاستار ءىسى جونىندەگى كوميسسيانىڭ ءتورايىمى ديانا ەرلان جەتەكشىلىك ەتتى. سونداي-اق كوميسسيا ءتوراعاسىنىڭ ورىنباسارى سەرىك ەسماتوۆ، دەپۋتاتتار ەركىن راقىشيەۆ پەن دۋلات رامازانوۆ بولدى،- دەپ حابارلايدى Dalanews.kz

جوندەۋ جۇمىستارى تەاتردىڭ نەگىزگى ايماقتارىنىڭ ءبارىن قامتيدى: قاسبەتى جاڭارتىلادى، كينوزال زاماناۋي تالاپتارعا ساي قايتا جاساقتالادى، ەدەن جابىنى مەن ورىندىقتارى اۋىستىرىلادى، عيماراتتىڭ اينالاسى اباتتاندىرىلادى. ەرەكشە نازار از قوزعالا الاتىن ازاماتتارعا قولايلى جاعداي جاساۋعا بولىنگەن. جۇرگىزىلىپ جاتقان جۇمىستاردىڭ ماقساتى – كورەرمەنگە دە، شىعارماشىلىق ۇجىمعا دا ىڭعايلى ورتا قالىپتاستىرۋ.

دەپۋتاتتار قالاداعى شىعارماشىلىق ۇجىمداردىڭ جەتىستىكتەرىن جوعارى باعالاپ، ولاردىڭ رەسپۋبليكالىق قانا ەمەس، حالىقارالىق دەڭگەيدە دە تابىستى ونەر كورسەتىپ جۇرگەنىن اتاپ ءوتتى.

– «الاتاۋ» تەاترى 10 جىلدىق مەرەيتويىن جاڭارعان، زاماناۋي كەلبەتىمەن قارسى الۋى ءتيىس. كورەرمەنگە كەڭ، جارىق ءارى قولايلى كەڭىستىك قاجەت. بۇل ولاردىڭ ءۇمىتىن اقتاپ قانا قويماي، سپەكتاكل الدىندا جاعىمدى كوڭىل كۇي سىيلاپ، تەاتردان العان اسەردى كۇشەيتەدى، – دەدى ولار.

كۇردەلى جوندەۋدى بيىلعى جىلدىڭ سوڭىنا دەيىن اياقتاۋ جوسپارلانعان.