10 tamyz kúni Almatyda qazaqtyń bas aqyny, oishyl jáne aǵartýshy Abai Qunanbaiulynyń týǵanyna 180 jyl tolýyna arnalǵan saltanatty rásim ótti. Abai alańyndaǵy is-shara merekelik baǵdarlamanyń basty oqiǵasyna ainalyp, 5000-nan astam qatysýshyny jinady,- dep habarlaidy Dalanews.kz
Saltanatty jiynǵa qala ákimi Darhan Satybaldy, máslihat depýtattary, Qoǵamdyq keńes músheleri, ziialy qaýym ókilderi, shyǵarmashylyq jáne mádeni uiymdar men jastar qatysty. Qatysýshylar uly oishyldyń eskertkishine gúl shoqtaryn qoiyp, rýhyna taǵzym etti. Monýment túbine júzdegen raýshan gúlderi qoiyldy.
Qala turǵyndary men qonaqtary «Jelsiz túnde jaryq ai» jáne «Kózimniń qarasy» atty Abaidyń ańyzǵa ainalǵan shyǵarmalaryn «Otyrar sazy» orkestriniń, Baiqadamov atyndaǵy memlekettik hor kapellasynyń jáne Qurmanǵazy atyndaǵy Qazaq ulttyq konservatoriiasy stýdentter horynyń súiemeldeýimen oryndady.
Aita keteiik, Almatyda Abaidyń mereitoiyna orai 100-den astam is-shara uiymdastyrylady: teatr qoiylymdary, poeziia keshteri, ádebi saǵattar, kórmeler, kontsertter, jastarmen kezdesýler, sondai-aq,sporttyq, qaiyrymdylyq jáne aǵartýshylyq aktsiialar qalanyń barlyq aýdanynda ótedi.
