10 تامىز كٷنٸ الماتىدا قازاقتىڭ باس اقىنى, ويشىل جەنە اعارتۋشى اباي قۇنانبايۇلىنىڭ تۋعانىنا 180 جىل تولۋىنا ارنالعان سالتاناتتى رەسٸم ٶتتٸ. اباي الاڭىنداعى ٸس-شارا مەرەكەلٸك باعدارلامانىڭ باستى وقيعاسىنا اينالىپ, 5000-نان استام قاتىسۋشىنى جينادى,- دەپ حابارلايدى Dalanews.kz
سالتاناتتى جيىنعا قالا ەكٸمٸ دارحان ساتىبالدى, مەسليحات دەپۋتاتتارى, قوعامدىق كەڭەس مٷشەلەرٸ, زييالى قاۋىم ٶكٸلدەرٸ, شىعارماشىلىق جەنە مەدەني ۇيىمدار مەن جاستار قاتىستى. قاتىسۋشىلار ۇلى ويشىلدىڭ ەسكەرتكٸشٸنە گٷل شوقتارىن قويىپ, رۋحىنا تاعزىم ەتتٸ. مونۋمەنت تٷبٸنە جٷزدەگەن راۋشان گٷلدەرٸ قويىلدى.
قالا تۇرعىندارى مەن قوناقتارى «جەلسٸز تٷندە جارىق اي» جەنە «كٶزٸمنٸڭ قاراسى» اتتى ابايدىڭ اڭىزعا اينالعان شىعارمالارىن «وتىرار سازى» وركەسترٸنٸڭ, بايقاداموۆ اتىنداعى مەملەكەتتٸك حور كاپەللاسىنىڭ جەنە قۇرمانعازى اتىنداعى قازاق ۇلتتىق كونسەرۆاتوريياسى ستۋدەنتتەر حورىنىڭ سٷيەمەلدەۋٸمەن ورىندادى.
ايتا كەتەيٸك, الماتىدا ابايدىڭ مەرەيتويىنا وراي 100-دەن استام ٸس-شارا ۇيىمداستىرىلادى: تەاتر قويىلىمدارى, پوەزييا كەشتەرٸ, ەدەبي ساعاتتار, كٶرمەلەر, كونتسەرتتەر, جاستارمەن كەزدەسۋلەر, سونداي-اق,سپورتتىق, قايىرىمدىلىق جەنە اعارتۋشىلىق اكتسييالار قالانىڭ بارلىق اۋدانىندا ٶتەدٸ.
