قازاقستاندا ازاماتتارعا نەسيە بەرۋ تەرتٸبٸنە ٶزگەرٸس ەنگٸزۋ ۇسىنىلدى. جاڭا تالاپ بويىنشا, بانكتەر ەندٸ قارىز الۋشىنىڭ تەك اي سايىنعى تٶلەم قابٸلەتٸنە عانا ەمەس, ونىڭ بارلىق قارىزىنىڭ كٶلەمٸنە دە نازار اۋدارادى. ياعني ادامنىڭ جيىنتىق نەسيەسٸ ونىڭ جىلدىق تابىسىنان سەگٸز ەسەدەن اسپاۋى تيٸس, دەپ حابارلايدى dalanews.kz.
Finratings.kz مەلٸمەتٸنشە, نورما 2027 جىلدىڭ 1 قاڭتارىنان باستاپ كٷشٸنە ەنۋٸ مٷمكٸن. جاڭا ەرەجەگە سەيكەس, بانكتەر كليەنتتٸڭ بارلىق قارجىلىق مٸندەتتەمەسٸن ەسەپكە الادى. ونىڭ ٸشٸندە يپوتەكا, اۆتونەسيە, تۇتىنۋشىلىق كرەديت, بٶلٸپ تٶلەۋ قىزمەتتەرٸ مەن ميكروكرەديتتەر دە بار.
مىسالى, ەگەر ازامات ايىنا 300 مىڭ تەڭگە جالاقى السا, ونىڭ جىلدىق تابىسى 3,6 ميلليون تەڭگە بولادى. دەمەك, مۇنداي ادامنىڭ بارلىق نەسيەسٸنٸڭ جالپى كٶلەمٸ 28,8 ميلليون تەڭگەدەن اسپاۋى كەرەك.
ال ايلىعى 500 مىڭ تەڭگە بولاتىن ادامنىڭ ليميتٸ شامامەن 48 ميلليون تەڭگەنٸ قۇراۋى مٷمكٸن. ەگەر ازامات ايىنا 800 مىڭ تەڭگە تابىس تاپسا, ونىڭ ەڭ جوعارى قارىز كٶلەمٸ 76,8 ميلليون تەڭگەگە دەيٸن جەتەدٸ.
ماتەريالدا قازٸر كٶپتەگەن قازاقستاندىقتاردىڭ بٸر ۋاقىتتا يپوتەكا, اۆتونەسيە جەنە بٸرنەشە بٶلٸپ تٶلەۋدٸ رەسٸمدەپ جٷرگەنٸ ايتىلعان. وسىعان بايلانىستى جاڭا جٷيە ەنگٸزٸلسە, قوسىمشا نەسيە الۋ قيىنداۋى ىقتيمال. ەسٸرەسە بٸرنەشە بەلسەندٸ راسسروچكاسى, كرەديت كارتاسى نەمەسە ميكروكرەديتٸ بار ازاماتتار ٷشٸن شەكتەۋ كٷشەيەدٸ.
سونداي-اق ەندٸ بٶلٸپ تٶلەۋ سەرۆيستەرٸ دە تولىققاندى قارىز رەتٸندە ەسەپتەلەدٸ. مىسالى, Kaspi Red نەمەسە باسقا دا راسسروچكا قىزمەتتەرٸ ادامنىڭ جالپى بورىش جٷكتەمەسٸنە قوسىلادى. كرەديتتٸك كارتاداعى پايدالانىلعان ليميت پەن ميكروكرەديتتەر دە ەسەپكە الىنباق.
ساراپشىلاردىڭ پٸكٸرٸنشە, بۇل باستاما حالىقتىڭ شامادان تىس قارىزعا باتۋىن ازايتۋعا باعىتتالعان. سەبەبٸ سوڭعى جىلدارى قازاقستاندا تۇتىنۋشىلىق نەسيە كٶلەمٸ كٷرت ٶسكەن. بانكتەر ەندٸ كليەنتتٸڭ ناقتى تابىسىنا كٶبٸرەك مەن بەرٸپ, قارجىلىق تەۋەكەلٸ جوعارى ازاماتتارعا قارىز بەرۋدٸ شەكتەۋٸ مٷمكٸن.
دەگەنمەن جاڭا جٷيە كەيبٸر قازاقستاندىقتاردىڭ نەسيە الۋىن قيىنداتۋى ىقتيمال. ەسٸرەسە تابىسى تٶمەن نەمەسە بٸرنەشە بەلسەندٸ نەسيەسٸ بار ازاماتتارعا بانك تاراپىنان تالاپ كٷشەيۋٸ مٷمكٸن.
