Erteń, 9 jeltoqsan kúni, Almaty qalasy Alataý aýdanyndaǵy №210 mektep-lıseıde «Jas sarbaz» áskerı-patrıottyq synyby jáne Ulttyq ulan batyrlary atyndaǵy «Erlik synybynyń» saltanatty ashylýy ótedi. Shara Qazaqstan Respýblıkasynyń Táýelsizdigi kúni merekesine oraı uıymdastyrylyp otyr, dep habarlaıdy Dalanews.kz.

İs-shara QR Ulttyq ulanynyń qoldaýymen, onyń ishinde 7552 jáne 5571 áskerı bólimderiniń uıymdastyrýymen ótedi. Jobanyń basty maqsaty – jas urpaqty Otanǵa degen súıispenshilikke, batyldyq pen jaýapkershilikke tárbıeleý, sondaı-aq salaýatty ómir saltyn nasıhattap, oqýshylarǵa áskerı baǵytta kásibı baǵdar berý.

Saltanatty ashylý baǵdarlamasynda:
– Qazaqstan Respýblıkasynyń Memlekettik Týyn saltanatty túrde engizý;
– 5571 áskerı bóliminiń áskerı orkestriniń Memlekettik Gımndi oryndaýy;
– Quttyqtaý sózder;
– «Jas sarbaz» qataryna qabyldanatyn oqýshylardyń ant berý rásimi (antty alǵashqy áskerı daıyndyq pániniń muǵalimi, zapastaǵy polkovnık Nıaztaı Bolatuly Álkeshev qabyldaıdy);
– Oqýshylardyń áskerı-patrıottyq óner kórsetýi;
– Áskerı orkestrdiń oryndaýy;
– Ulttyq ulan batyrlary atyndaǵy «Erlik synybynyń» resmı ashylýy kózdelgen.

İs-shara 9 jeltoqsan, saǵat 10:00-de ótedi.

Ótetin orny: Almaty qalasy, Darhan yqsham aýdany, Halıfa Altaı kóshesi 4-úı, №210 mektep-lıseıdiń holy.