Jaz mezgilinde Almaty taýlaryna jaiaý serýendeýge shyǵatyndar sany artyp keledi. Alaida, demalystyń sátsiz aiaqtalmaýy úshin qaýipsizdik erejelerin saqtaý asa mańyzdy. Osyǵan orai Almaty qalasynyń Tótenshe jaǵdailar departamenti týristerge arnaiy jadynama usynyp otyr,- dep habarlaidy Dalanews.kz
- Josparsyz shyqpańyz.Taýly aimaqtarda adasyp ketý nemese aýa raiynyń kúrt ózgerýi siiaqty qaýipter jii kezdesedi. Sondyqtan aldyn ala marshrýtty zertteý, joldyń uzaqtyǵy men kúrdeliligi týraly málimet jinaý óte mańyzdy.
- Jalǵyz barmańyz. Taýǵa tek toppen baryńyz. Jolda seriktes bolýy – qaýipsizdik kepili.
Riýkzakta ne bolýy kerek?
Mindetti qural-jabdyqtar:
- Aýa raiyna sai kúrtke, shalbar, jyly flis nemese kofta,
- Jańbyr jamylǵysy, ashyq tústi kiim (qara nemese kamýfliajdan aýlaq bolyńyz),
- Trekkingke arnalǵan aiaqkiim,
- Mańyzdy quraldar: paýerbank, mańdaisham, qosymsha batareika, ysqyryq,
- Jeńil tamaq, shaiy bar termos, dári qobdishasy,
- Gaz plitasy men ballon, aliýminii krýjka (500 ml).
Túneý josparlansa:
- Uiyqtaityn qap (spalnik),
- Tósenish (karemat),
- Qosalqy ish kiim.
Týystaryńyzdy eskertińiz
Taýǵa shyǵar aldynda:
- Josparlanǵan marshrýt pen qai ýaqytta oralatynyńyzdy jaqyndaryńyzǵa aityńyz,
- Bailanys ustamasa da, belgi berýge múmkindik jasaityn quraldar alyńyz – ysqyryq, jaryq shamy,
- Telefondy tolyq qýattap, qosymsha qýattaǵysh daiyndap qoiyńyz.
Adasyp ketken jaǵdaida ne isteý kerek?
- Sabyr saqtańyz.
- Bailanys bolsa, 112 nemese 8 (727) 372 15 60 nómirine qońyraý shalyp, geolokatsiiańyzdy jiberińiz,
- Qutqarýshylar kelmeiinshe ornyńyzdan qozǵalmańyz,
- Bailanys bolmasa – ysqyryqpen nemese shammen belgi berińiz,
- Tońyp qalmas úshin anda-sanda qozǵalys jasańyz, biraq joldan alys ketpeńiz.
