جاز مەزگٸلٸندە الماتى تاۋلارىنا جاياۋ سەرۋەندەۋگە شىعاتىندار سانى ارتىپ كەلەدٸ. الايدا, دەمالىستىڭ سەتسٸز اياقتالماۋى ٷشٸن قاۋٸپسٸزدٸك ەرەجەلەرٸن ساقتاۋ اسا ماڭىزدى. وسىعان وراي الماتى قالاسىنىڭ تٶتەنشە جاعدايلار دەپارتامەنتٸ تۋريستەرگە ارنايى جادىناما ۇسىنىپ وتىر,- دەپ حابارلايدى Dalanews.kz
- جوسپارسىز شىقپاڭىز.تاۋلى ايماقتاردا اداسىپ كەتۋ نەمەسە اۋا رايىنىڭ كٷرت ٶزگەرۋٸ سيياقتى قاۋٸپتەر جيٸ كەزدەسەدٸ. سوندىقتان الدىن الا مارشرۋتتى زەرتتەۋ, جولدىڭ ۇزاقتىعى مەن كٷردەلٸلٸگٸ تۋرالى مەلٸمەت جيناۋ ٶتە ماڭىزدى.
- جالعىز بارماڭىز. تاۋعا تەك توپپەن بارىڭىز. جولدا سەرٸكتەس بولۋى – قاۋٸپسٸزدٸك كەپٸلٸ.
ريۋكزاكتا نە بولۋى كەرەك?
مٸندەتتٸ قۇرال-جابدىقتار:
- اۋا رايىنا ساي كٷرتكە, شالبار, جىلى فليس نەمەسە كوفتا,
- جاڭبىر جامىلعىسى, اشىق تٷستٸ كيٸم (قارا نەمەسە كامۋفلياجدان اۋلاق بولىڭىز),
- ترەككينگكە ارنالعان اياقكيٸم,
- ماڭىزدى قۇرالدار: پاۋەربانك, ماڭدايشام, قوسىمشا باتارەيكا, ىسقىرىق,
- جەڭٸل تاماق, شايى بار تەرموس, دەرٸ قوبديشاسى,
- گاز پليتاسى مەن باللون, اليۋمينيي كرۋجكا (500 مل).
تٷنەۋ جوسپارلانسا:
- ۇيىقتايتىن قاپ (سپالنيك),
- تٶسەنٸش (كارەمات),
- قوسالقى ٸش كيٸم.
تۋىستارىڭىزدى ەسكەرتٸڭٸز
تاۋعا شىعار الدىندا:
- جوسپارلانعان مارشرۋت پەن قاي ۋاقىتتا ورالاتىنىڭىزدى جاقىندارىڭىزعا ايتىڭىز,
- بايلانىس ۇستاماسا دا, بەلگٸ بەرۋگە مٷمكٸندٸك جاسايتىن قۇرالدار الىڭىز – ىسقىرىق, جارىق شامى,
- تەلەفوندى تولىق قۋاتتاپ, قوسىمشا قۋاتتاعىش دايىنداپ قويىڭىز.
اداسىپ كەتكەن جاعدايدا نە ٸستەۋ كەرەك?
- سابىر ساقتاڭىز.
- بايلانىس بولسا, 112 نەمەسە 8 (727) 372 15 60 نٶمٸرٸنە قوڭىراۋ شالىپ, گەولوكاتسيياڭىزدى جٸبەرٸڭٸز,
- قۇتقارۋشىلار كەلمەيٸنشە ورنىڭىزدان قوزعالماڭىز,
- بايلانىس بولماسا – ىسقىرىقپەن نەمەسە شاممەن بەلگٸ بەرٸڭٸز,
- توڭىپ قالماس ٷشٸن اندا-ساندا قوزعالىس جاساڭىز, بٸراق جولدان الىس كەتپەڭٸز.
