Ótken aida Almaty oblysynyń Memlekettik sáýlet-qurylys baqylaý basqarmasy (GASK) inspektorlary aýqymdy tekserister júrgizip, qurylys normalary men erejelerin buzýdyń júzdegen faktisin anyqtady, – dep habarlaidy Dalanews.kz Almaty oblysy ákiminiń baspasóz qyzmetine silteme jasap.
Tekseristerdiń qorytyndysy boiynsha 78 ákimshilik material ázirlendi. Olardyń 28-i oblystyq sottarǵa joldandy, al qylmystyq is qozǵalmaǵan quqyqbuzýshylarǵa jalpy somasy 14 644 140 teńge aiyppul salyndy.
Tekserister barysynda 23 zańsyz qurylys nysany anyqtaldy. Olardyń materialdary da sotqa joldandy. Zańsyz salynǵan qurylystar, onyń ishinde Talǵar aýdanyndaǵy kópqabatty turǵyn úi kesheni, buzylýǵa jatady. Qazirgi ýaqytta 4 saban úi buzyldy, al 7 nysanǵa buzý týraly talap-aryzdar joldandy.
Qonaev qalasyndaǵy oqý korpýsy, «Eco-Park Alatau» TK-nyń káriz júieleri jáne Raiymbek aýdanyndaǵy sý bógetteri qurylysy barysynda kóptegen buzýshylyqtar anyqtaldy. Jaýapqa tartylǵan merdigerler men tehnikalyq qadaǵalaý uiymdaryna qatysty sharalar qabyldandy. 61 qurylys kompaniiasy jaýapqa tartyldy, onyń ekiýi — TOO «Sheberbuild» jáne TOO «Jańartý» — sot sheshimimen litsenziiasynan airylǵan.
– Almaty oblysyndaǵy qurylys salasyn tártipke keltirý boiynsha jumystar júrgizilip jatyr. Bizdiń tekseristerimiz tek rásim ǵana emes, qaýipsizdik pen zańdylyqty qamtamasyz etý úshin kúres, – dedi Almaty oblysy sáýlet-qurylys baqylaý (GASK) basshysynyń mindetin atqarýshy Ǵabiden Ózenbaev. – Qurylys normalaryn buzýshylar zań arqyly qatal jazalanatyn bolady. Biz oblys boiynsha, árbir qurylys nysany barlyq talaptar men standarttarǵa sai bolǵansha alǵan betten qaitpai tekserýdi jalǵastyra beremiz!
Almaty oblysy memlekettik sáýlet-qurylys baqylaý basqarmasy (GASK) oblystaǵy qurylys normalary men erejeleriniń saqtalýyn qamtamasyz etý jumysyn jalǵastyra beredi.
