Qazaqstannyń birqatar óńirinde jańbyr jaýyp, aptap ystyq báseńdeidi, dep habarlaidy dalanews.kz.
El aýmaǵyndaǵy aýa raiyna soltústik-batys tsiklony men atmosferalyq fronttar yqpal etedi. Osyǵan bailanysty kóptegen óńirde jańbyr jaýyp, naizaǵai oinaýy múmkin.
Sinoptikterdiń boljamynsha, 25 maýsymda eldiń soltústik-batysy men soltústiginde, 25-26 maýsymda shyǵys óńirlerde, al 26-27 maýsymda batys pen soltústik-batysta nóser jaýyn jaýady.
Soltústik-batys, soltústik jáne ortalyq aimaqtarda aptap ystyq báseńdep, kúndiz aýa temperatýrasy +23...+28 gradýs aralyǵynda bolady.
Al ońtústik pen shyǵys óńirlerge Ashhabad mańynan jyly aýa massalary yǵysady. Sonyń saldarynan bul aimaqtarda kún ysyp, aýa temperatýrasy +33...+38 gradýsqa deiin kóteriledi. Kei jerlerde +40...+42 gradýsqa deiin jetýi yqtimal.
