ٶتكەن ايدا الماتى وبلىسىنىڭ مەملەكەتتٸك سەۋلەت-قۇرىلىس باقىلاۋ باسقارماسى (گاسك) ينسپەكتورلارى اۋقىمدى تەكسەرٸستەر جٷرگٸزٸپ, قۇرىلىس نورمالارى مەن ەرەجەلەرٸن بۇزۋدىڭ جٷزدەگەن فاكتٸسٸن انىقتادى, – دەپ حابارلايدى Dalanews.kz الماتى وبلىسى ەكٸمٸنٸڭ باسپاسٶز قىزمەتٸنە سٸلتەمە جاساپ.
تەكسەرٸستەردٸڭ قورىتىندىسى بويىنشا 78 ەكٸمشٸلٸك ماتەريال ەزٸرلەندٸ. ولاردىڭ 28-ٸ وبلىستىق سوتتارعا جولداندى, ال قىلمىستىق ٸس قوزعالماعان قۇقىقبۇزۋشىلارعا جالپى سوماسى 14 644 140 تەڭگە ايىپپۇل سالىندى.
تەكسەرٸستەر بارىسىندا 23 زاڭسىز قۇرىلىس نىسانى انىقتالدى. ولاردىڭ ماتەريالدارى دا سوتقا جولداندى. زاڭسىز سالىنعان قۇرىلىستار, ونىڭ ٸشٸندە تالعار اۋدانىنداعى كٶپقاباتتى تۇرعىن ٷي كەشەنٸ, بۇزىلۋعا جاتادى. قازٸرگٸ ۋاقىتتا 4 سابان ٷي بۇزىلدى, ال 7 نىسانعا بۇزۋ تۋرالى تالاپ-ارىزدار جولداندى.
قوناەۆ قالاسىنداعى وقۋ كورپۋسى, «Eco-Park Alatau» تك-نىڭ كەرٸز جٷيەلەرٸ جەنە رايىمبەك اۋدانىنداعى سۋ بٶگەتتەرٸ قۇرىلىسى بارىسىندا كٶپتەگەن بۇزۋشىلىقتار انىقتالدى. جاۋاپقا تارتىلعان مەردٸگەرلەر مەن تەحنيكالىق قاداعالاۋ ۇيىمدارىنا قاتىستى شارالار قابىلداندى. 61 قۇرىلىس كومپانيياسى جاۋاپقا تارتىلدى, ونىڭ ەكٸۋٸ — توو «Sheberbuild» جەنە توو «جاڭارتۋ» — سوت شەشٸمٸمەن ليتسەنزيياسىنان ايرىلعان.
– الماتى وبلىسىنداعى قۇرىلىس سالاسىن تەرتٸپكە كەلتٸرۋ بويىنشا جۇمىستار جٷرگٸزٸلٸپ جاتىر. بٸزدٸڭ تەكسەرٸستەرٸمٸز تەك رەسٸم عانا ەمەس, قاۋٸپسٸزدٸك پەن زاڭدىلىقتى قامتاماسىز ەتۋ ٷشٸن كٷرەس, – دەدٸ الماتى وبلىسى سەۋلەت-قۇرىلىس باقىلاۋ (گاسك) باسشىسىنىڭ مٸندەتٸن اتقارۋشى عابيدەن ٶزەنباەۆ. – قۇرىلىس نورمالارىن بۇزۋشىلار زاڭ ارقىلى قاتال جازالاناتىن بولادى. بٸز وبلىس بويىنشا, ەربٸر قۇرىلىس نىسانى بارلىق تالاپتار مەن ستاندارتتارعا ساي بولعانشا العان بەتتەن قايتپاي تەكسەرۋدٸ جالعاستىرا بەرەمٸز!
الماتى وبلىسى مەملەكەتتٸك سەۋلەت-قۇرىلىس باقىلاۋ باسقارماسى (گاسك) وبلىستاعى قۇرىلىس نورمالارى مەن ەرەجەلەرٸنٸڭ ساقتالۋىن قامتاماسىز ەتۋ جۇمىسىن جالعاستىرا بەرەدٸ.
