Almaty oblysynyń ekonomikalyq ósimi kúsheiip, óńir respýblika boiynsha 10-orynnan 5-orynǵa kóterildi, dep habarlaidy Dalanews.kz.
Bul týraly Almaty oblysynyń ákimi Marat Sultanǵaziev Ortalyq kommýnkatsiialar qyzmetinde ótken brifingte aitty.
Óńir ákiminiń sózinshe, Qonaev qalasy oblys ortalyǵy bolǵannan beri óńir barlyq negizgi baǵyt boiynsha turaqty ósim kórsetip keledi.
Jalpy óńirlik ónim kólemi 3,4 trln teńgeden 6 trln teńgege ulǵaiǵan. 2024 jyldyń qorytyndysy boiynsha oblystyń respýblikadaǵy jalpy ishki ónimdegi úlesi 4,4% bolsa al 2025 jyldyń alǵashqy jartysynda 4,8%-ǵa jetti.
«Iri ónerkásiptik oblystardy ozyp, shikizattyq emes ekonomikaǵa negizdelgen ósýdiń draiverine ainaldyq. Osy jyldyń 10 aiynyń qorytyndysy boiynsha qysqa merzimdi ekonomikalyq indikator 109,7% boldy. Barlyq negizgi salada oń úrdis saqtalyp otyr», - dedi Marat Sultanǵaziev.
