الماتى وبلىسىنىڭ ەكونوميكالىق ٶسٸمٸ كٷشەيٸپ, ٶڭٸر رەسپۋبليكا بويىنشا 10-ورىننان 5-ورىنعا كٶتەرٸلدٸ, دەپ حابارلايدى Dalanews.kz.
بۇل تۋرالى الماتى وبلىسىنىڭ ەكٸمٸ مارات سۇلتانعازيەۆ ورتالىق كوممۋنكاتسييالار قىزمەتٸندە ٶتكەن بريفينگتە ايتتى.
ٶڭٸر ەكٸمٸنٸڭ سٶزٸنشە, قوناەۆ قالاسى وبلىس ورتالىعى بولعاننان بەرٸ ٶڭٸر بارلىق نەگٸزگٸ باعىت بويىنشا تۇراقتى ٶسٸم كٶرسەتٸپ كەلەدٸ.
جالپى ٶڭٸرلٸك ٶنٸم كٶلەمٸ 3,4 ترلن تەڭگەدەن 6 ترلن تەڭگەگە ۇلعايعان. 2024 جىلدىڭ قورىتىندىسى بويىنشا وبلىستىڭ رەسپۋبليكاداعى جالپى ٸشكٸ ٶنٸمدەگٸ ٷلەسٸ 4,4% بولسا ال 2025 جىلدىڭ العاشقى جارتىسىندا 4,8%-عا جەتتٸ.
«ٸرٸ ٶنەركەسٸپتٸك وبلىستاردى وزىپ, شيكٸزاتتىق ەمەس ەكونوميكاعا نەگٸزدەلگەن ٶسۋدٸڭ درايۆەرٸنە اينالدىق. وسى جىلدىڭ 10 ايىنىڭ قورىتىندىسى بويىنشا قىسقا مەرزٸمدٸ ەكونوميكالىق ينديكاتور 109,7% بولدى. بارلىق نەگٸزگٸ سالادا وڭ ٷردٸس ساقتالىپ وتىر», - دەدٸ مارات سۇلتانعازيەۆ.
