2025 jyldyń basynda «Qonaev» áleýmettik-kásipkerlik korporatsiiasy (ÁKK) quny 60 million teńge turatyn qymbat kólikti satyp alyp, ony Almaty oblysynyń ákimine «syiǵa» tartqan, dep habarlaidy Dalanews.kz.
Bul týraly "Analitik KZ" telegram arnasynda jazyldy.
«Áleýmettik-kásipkerlik korporatsiiasy úshin» alynǵan kólikter bir kúnde ákimdikke ótip ketken. Qujattarda ÁKK eki birdei liýks sanatyndaǵy kólik alǵany kórsetilgen:
Land Cruiser 300 – 60 million teńge;
Kia K9 – 35 million teńge.
Jalpy soma — 95 million teńge.
Bul kólikter korporatsiianyń qajettiligine dep alynǵanymen, kelesi kúni-aq Almaty oblysy ákimdigine tabystalǵan.
Belgili jýrnalist, «Obojaiý» baǵdarlamasynyń avtory Ashat Niiazov óziniń sońǵy shyǵarylymdarynyń birinde ákim Marat Sultanǵazievtiń jańa kóligin kórsetken.
Land Cruiser 300 Almaty oblysynyń joldarynda memlekettik 075 | RR | 05 nómirimen júrgeni baiqalǵan.
Al ekinshi kólik — Kia K9-dy kim minip júr, belgisiz. 39 million teńgelik bul kóliktiń naqty kimge tiesili ekeni ashyq aitylmai otyr.
«Qonaev» ÁKK nemen ainalysady?
Resmi saittaǵy aqparatqa sáikes, «Qonaev» ÁKK — Almaty oblysynyń áleýmettik-ekonomikalyq damýyna járdemdesetin, kásipkerlerdiń bastamalaryn qoldaityn óńirlik damý institýty. Ol memleket pen jeke sektor seriktestigi negizinde jumys isteýi tiis.
Memleket qarjysyna alynǵan kólikterdiń ákimdikke "syiǵa" ótýi — memlekettik múlikti maqsatsyz paidalaný ma, álde basqa tetikter iske qosylǵan ba — bul suraqtardyń jaýaby ázirge belgisiz.
