Bul jerde saǵatyna 10 tonnaǵa deiin óndiristik qýattylyqpen ónimdi syǵý jáne qaldyqtardy qaptaý boiynsha jelini iske qosý josparlanyp otyr.
Bir maýsymda kásiporyn 300 000 tonna qant qyzylshasyn óńdep, 35 000 tonnaǵa deiin qumsheker shyǵara alady.
"Prezident ótken jyly ekonomikanyń ósimin 4% - ǵa qamtamasyz etýdi tapsyrdy. Bul kórsetkish 4,5% - ǵa jetti, jalpy óńirlik ónim kólemi 3 trln. teńgeden asty. Bul jetistikterde Aqsý aýdany turǵyndarynyń da qosqan úlesi bar. Aqsý qant zaýyty 10 jyl toqyraýdan keiin memlekettik qoldaý men oblys ákimdiginiń, "Jetisý" ÁKK men investorlardyń birlesken jumysynyń arqasynda qaita jumys isteýde.
Zaýyttyń iske qosylýy aýdannyń ekonomikalyq jaǵdaiyna oń áser etti. Biz servistik-daiyndaý ortalyqtaryn qurdyq, qant qyzylshasyn sýbsidiialadyq, tuqym satyp aldyq, agrotehnikalyq is - sharalardy únemi ótkizip otyramyz", - dep atap ótti Almaty oblysynyń ákimi Amandyq Batalov.
Qazirgi Qazaqstannyń qant salasy tarihynda memlekettiń qoldaýymen nólden qalpyna keltirilgen Aqsý qant zaýyty jalǵyz kásiporyn boldy. "Aqsýqant" JShS zaýytynyń jumysy eldi mekenge jáne jaqyn aýdandarǵa jańa ómir syilady.
Kásiporyn qysqa merzimde óńirdiń ónimdi qaita óńdeý óndirisine ainaldy. Kásiporynnyń shikizaty Aqsý, Sarqan jáne Alakól aýdandarynda qurylǵan 17 qyzylsha baǵytyndaǵy servistik-daiyndaý ortalyqtaryn jáne 200-den astam usaq qyzylsha egetin sharýashylyqtardy jetkizedi. Maýsymda qyzmetkerler sany 500-600 adamǵa jetedi.
Óndiristi odan ári keńeitý ashytqy zaýyty men qurama jem shyǵaratyn zaýyt salý esebinen josparlanýda. Kásiporynda úderisterdi avtomattandyrý jáne óndiristiń shiki sulbasyn iske asyrý boiynsha jumystar júrgizý múmkindigi bar, bul zaýyttyń jyl boiy jumys isteýine alyp keledi jáne óńir halqyn jumyspen qamtamasyz etýge oń áser etedi.
Anar SABYROVA
