بۇل جەردە ساعاتىنا 10 تونناعا دەيىن وندىرىستىك قۋاتتىلىقپەن ءونىمدى سىعۋ جانە قالدىقتاردى قاپتاۋ بويىنشا جەلىنى ىسكە قوسۋ جوسپارلانىپ وتىر.
ءبىر ماۋسىمدا كاسىپورىن 300 000 توننا قانت قىزىلشاسىن وڭدەپ، 35 000 تونناعا دەيىن قۇمشەكەر شىعارا الادى.
"پرەزيدەنت وتكەن جىلى ەكونوميكانىڭ ءوسىمىن 4% - عا قامتاماسىز ەتۋدى تاپسىردى. بۇل كورسەتكىش 4،5% - عا جەتتى، جالپى وڭىرلىك ءونىم كولەمى 3 ترلن. تەڭگەدەن استى. بۇل جەتىستىكتەردە اقسۋ اۋدانى تۇرعىندارىنىڭ دا قوسقان ۇلەسى بار. اقسۋ قانت زاۋىتى 10 جىل توقىراۋدان كەيىن مەملەكەتتىك قولداۋ مەن وبلىس اكىمدىگىنىڭ، "جەتىسۋ" اكك مەن ينۆەستورلاردىڭ بىرلەسكەن جۇمىسىنىڭ ارقاسىندا قايتا جۇمىس ىستەۋدە.
زاۋىتتىڭ ىسكە قوسىلۋى اۋداننىڭ ەكونوميكالىق جاعدايىنا وڭ اسەر ەتتى. ءبىز سەرۆيستىك-دايىنداۋ ورتالىقتارىن قۇردىق، قانت قىزىلشاسىن سۋبسيديالادىق، تۇقىم ساتىپ الدىق، اگروتەحنيكالىق ءىس - شارالاردى ۇنەمى وتكىزىپ وتىرامىز"، - دەپ اتاپ ءوتتى الماتى وبلىسىنىڭ اكىمى اماندىق باتالوۆ.
قازىرگى قازاقستاننىڭ قانت سالاسى تاريحىندا مەملەكەتتىڭ قولداۋىمەن نولدەن قالپىنا كەلتىرىلگەن اقسۋ قانت زاۋىتى جالعىز كاسىپورىن بولدى. "اقسۋقانت" ج ش س زاۋىتىنىڭ جۇمىسى ەلدى مەكەنگە جانە جاقىن اۋداندارعا جاڭا ءومىر سىيلادى.
كاسىپورىن قىسقا مەرزىمدە ءوڭىردىڭ ءونىمدى قايتا وڭدەۋ وندىرىسىنە اينالدى. كاسىپورىننىڭ شيكىزاتى اقسۋ، سارقان جانە الاكول اۋداندارىندا قۇرىلعان 17 قىزىلشا باعىتىنداعى سەرۆيستىك-دايىنداۋ ورتالىقتارىن جانە 200-دەن استام ۇساق قىزىلشا ەگەتىن شارۋاشىلىقتاردى جەتكىزەدى. ماۋسىمدا قىزمەتكەرلەر سانى 500-600 ادامعا جەتەدى.
ءوندىرىستى ودان ءارى كەڭەيتۋ اشىتقى زاۋىتى مەن قۇراما جەم شىعاراتىن زاۋىت سالۋ ەسەبىنەن جوسپارلانۋدا. كاسىپورىندا ۇدەرىستەردى اۆتوماتتاندىرۋ جانە ءوندىرىستىڭ شيكى سۇلباسىن ىسكە اسىرۋ بويىنشا جۇمىستار جۇرگىزۋ مۇمكىندىگى بار، بۇل زاۋىتتىڭ جىل بويى جۇمىس ىستەۋىنە الىپ كەلەدى جانە ءوڭىر حالقىن جۇمىسپەن قامتاماسىز ەتۋگە وڭ اسەر ەتەدى.
انار سابىروۆا
