Memleket basshysy Qasym-Jomart Kemeluly halyqqa úndeýinde tótenshe jaǵdaı jarıalap otyz kún boıyna osy jaǵdaı saqtalatynyn aıtqan bolatyn. Sondaı-aq, úlken saýda úıleri, oıyn-saýyq keshenderi, kınoteatrlar, teatrlar syndy birqatar nysandardyń jumysyn eldiń bas amandyǵy úshin jumysyn ýaqytsha toqtatqany belgili. Bul tizimge týrısik ortalyqtar da engeni belgili.
Eldi eseńgiretken indetke shaldyqqandar sany artqan kezde mundaı sheshim qabyldaý da qajet. Óıtkeni, kóptiń aıaǵy arylmaıtyn aýmaqta kesel kezip júrýi múmkin. Prezıdent Qasym-Jomart Toqaevtiń bıznes ókilderiniń isine oıda joqta jetip kelgen ınfeksıanyń kesiri tımeýi tıis, olardyń kásibiniń júrýine kedergi bolmaýy kerek degen sózi qaıda qaldy dersiz. Oryndy saýal.
Jer ásemi Jetisý ólkesinde tabıǵaty kóz tartatyn qandaı demalys oryndary jumysyn toqtatty degen suraq kókeıde turǵany anyq. Endi soǵan jaýap berip kórelik.
[caption id="attachment_51507" align="aligncenter" width="693"]
Uıǵyr aýdanyna qarasty «Ystyq sý» demalys orny[/caption]
Almaty oblysynda týrıserdiń nazaryna ilikken 162 aımaq bar. Onyń ishinde demalys keshenderiniń elge belgilisi saýsaqpen sanarlyq. Máselen, týrısik keshenderdiń ishinde «8 ózen» men «Aqbulaq», «Oı-Qaraǵaı» demalýshylardy qabyldaýdy keıinge shegerse, Tabaǵan, Qarasaı aýdanynda ornalsqan Home club jáne Aul resort syndy nysandardyń demalýshylarǵa esigi ashyq.
Jumysyn ýaqytsha toqtaqandardyń qatarynda Uıǵyr aýdanyna qarasty «Ystyq sý» demalys orny da bar. Sonymen qatar, Talǵar aýdanyndaǵy «Aıba» demalys úıi, Eskeldi aýdanyndaǵy «Qaratal» shıpajaıy kelýshilerdi biraz ýaqyt qarsalmaıdy. Bul sanatqa ulttyq parkter men mýzeılerde jatady.
Al, tómendegi kórsetilgen týrısik jerler qyzmet kórsetýin jalǵasytra bermek.
Talǵar aýdanyndaǵy «Be fine», «Felıs» «Zolotoı fazan» «Taý Talǵar» «Reıkávık», Qarasaı aýdanynda oryn tepken «Aq otaý», «Aqnıet» «Kerýen saraı» , «Taz servıs», «Elıt», Jambyl aýdanyndaǵy «Uzyn aǵash», Qapshaǵaı qalasynda ornalasqan «Vıktorıa» demalys nysandary jáne qonaq úıleri, Jazıraly Jarkenttegi «Jarkent Arasan», «Kerim aǵash» shıpajaılary elge qyzmet ete beredi. Resmı aqparatty Almaty oblysy boıynsha týrızm basqarmasy málimdedi.
Oblystyq týrızm basqarmasynyń aqparatyna súıensek, olar ózderi memleket basshysynyń tapsyramsyn oryndaý maqsatynda kásip ıelerine eldegi bolyp jatqan tótenshe jaǵdaıǵa baılanysty, qyzmet kórsetýdi belgilengen merzimge deıin toqatatý týraly usynys jasaǵan eken. Basqarmanyń bastamasyn qoldaǵan bıznesmender ǵana jumysty doǵarǵan. Al, ózgede tynyǵý oryndary týrıserdi qabyldaýdy jalǵastyrýda.
[caption id="attachment_51516" align="aligncenter" width="684"]
Almaty oblysy boıynsha týrızm basqarmasynyń basshysy Janar Alchımbaeva[/caption]
– Qazirgi kezde qyzmet etip jatqan oryndardyń ıeleri qonaqtarǵa vırýstan saqtanýǵa bar jaǵdaı jasap, betperde jáne antıseptıkatardy tegin taratýda. Biz olardyń jaýapkershilikterine senim artyp otyrmyz. Qos birdeı alyp shahar Almaty men Nur-Sultanǵa qatynaýǵa tyıym salynǵannan keıin demalys keshenine kelýshilerdiń sany azaıyp jatyr. Sol sebepti bul aımaqta indet taraıdy degen qaýip joq, – deıdi Almaty oblysy boıynsha týrızm basqarmasynyń basshysy Janar Alchımbaeva.
Dertke daýa, emge shıpa izdep demalýǵa barǵanda basymyzǵa bále tilep almaıyq. «Surap alǵan aýyrýdyń emi joq» demekshi saqtyq sharalaryn basty nazarǵa alǵan abzal.
Anar SABYROVA,
Almaty oblysy
