كورشىلەس مەملەكەتتەن تاراعان كوروناۆيرۋستىڭ كەسىرى ءتيۋى تولاستاماي تۇر. ۇلتتىڭ تىنىشتىعىن العان پاندەميانىڭ پەندە اتاۋلىنى دۇربەلەڭگە سالعانى راس. دەنساۋلىعىنا الاڭداعان جۇرت پەن جۇمىسى توقىراعان ەلدىڭ جاعدايى بۇگىندە كۇن تارتىبىندەگى باستى ماسەلەگە اينالدى.

مەملەكەت باسشىسى قاسىم-جومارت كەمەل ۇلى حالىققا ۇندەۋىندە  توتەنشە جاعداي جاريالاپ وتىز كۇن بويىنا وسى جاعداي ساقتالاتىنىن ايتقان بولاتىن. سونداي-اق، ۇلكەن ساۋدا ۇيلەرى، ويىن-ساۋىق كەشەندەرى، كينوتەاترلار، تەاترلار سىندى ءبىرقاتار نىسانداردىڭ جۇمىسىن ەلدىڭ باس اماندىعى ءۇشىن جۇمىسىن ۋاقىتشا توقتاتقانى بەلگىلى. بۇل تىزىمگە تۋريستىك ورتالىقتار دا ەنگەنى بەلگىلى.

ەلدى ەسەڭگىرەتكەن ىندەتكە شالدىققاندار سانى ارتقان كەزدە مۇنداي شەشىم قابىلداۋ دا قاجەت. ويتكەنى، كوپتىڭ اياعى ارىلمايتىن اۋماقتا كەسەل كەزىپ ءجۇرۋى مۇمكىن. پرەزيدەنت قاسىم-جومارت توقايەۆتىڭ بيزنەس وكىلدەرىنىڭ ىسىنە ويدا جوقتا جەتىپ كەلگەن ينفەكسيانىڭ كەسىرى تيمەۋى ءتيىس، ولاردىڭ كاسىبىنىڭ جۇرۋىنە كەدەرگى بولماۋى كەرەك دەگەن ءسوزى قايدا قالدى دەرسىز. ورىندى ساۋال.

جەر اسەمى جەتىسۋ ولكەسىندە تابيعاتى كوز تارتاتىن قانداي دەمالىس ورىندارى جۇمىسىن توقتاتتى دەگەن سۇراق كوكەيدە تۇرعانى انىق. ەندى سوعان جاۋاپ بەرىپ كورەلىك.

[caption id="attachment_51507" align="aligncenter" width="693"] ۇيعىر اۋدانىنا قاراستى «ىستىق سۋ» دەمالىس ورنى[/caption]

الماتى وبلىسىندا تۋريستەردىڭ نازارىنا ىلىككەن 162 ايماق بار. ونىڭ ىشىندە دەمالىس كەشەندەرىنىڭ ەلگە بەلگىلىسى ساۋساقپەن سانارلىق. ماسەلەن، تۋريستىك كەشەندەردىڭ ىشىندە  «8 وزەن» مەن «اقبۇلاق»، «وي-قاراعاي» دەمالۋشىلاردى قابىلداۋدى كەيىنگە شەگەرسە، تاباعان، قاراساي اۋدانىندا ورنالسقان Home club جانە Aul resort سىندى نىسانداردىڭ دەمالۋشىلارعا ەسىگى اشىق.

جۇمىسىن ۋاقىتشا توقتاقانداردىڭ قاتارىندا  ۇيعىر اۋدانىنا قاراستى «ىستىق سۋ» دەمالىس ورنى دا بار. سونىمەن قاتار، تالعار اۋدانىنداعى «ايبا» دەمالىس ءۇيى، ەسكەلدى اۋدانىنداعى «قاراتال» شيپاجايى كەلۋشىلەردى ءبىراز ۋاقىت قارسالمايدى. بۇل ساناتقا ۇلتتىق پاركتەر مەن مۋزەيلەردە جاتادى.

ال، تومەندەگى كورسەتىلگەن تۋريستىك جەرلەر قىزمەت كورسەتۋىن جالعاسىترا بەرمەك.

 تالعار اۋدانىنداعى «Be fine»،  «فەليس»  «زولوتوي فازان» «تاۋ تالعار» «رەيكياۆيك»،  قاراساي اۋدانىندا ورىن تەپكەن «اق وتاۋ»، «اقنيەت» «كەرۋەن ساراي» ، «تاز سەرۆيس»، «ەليت»،  جامبىل اۋدانىنداعى «ۇزىن اعاش»،  قاپشاعاي قالاسىندا ورنالاسقان «ۆيكتوريا» دەمالىس نىساندارى جانە قوناق ۇيلەرى،   جازيرالى جاركەنتتەگى «جاركەنت اراسان»، «كەرىم اعاش» شيپاجايلارى ەلگە قىزمەت ەتە بەرەدى.  رەسمي اقپاراتتى الماتى وبلىسى بويىنشا تۋريزم باسقارماسى مالىمدەدى. 

وبلىستىق تۋريزم باسقارماسىنىڭ اقپاراتىنا سۇيەنسەك، ولار وزدەرى مەملەكەت باسشىسىنىڭ تاپسىرامسىن ورىنداۋ ماقساتىندا كاسىپ يەلەرىنە  ەلدەگى بولىپ جاتقان توتەنشە جاعدايعا بايلانىستى، قىزمەت كورسەتۋدى بەلگىلەنگەن مەرزىمگە دەيىن توقاتاتۋ تۋرالى ۇسىنىس جاساعان ەكەن.  باسقارمانىڭ باستاماسىن قولداعان بيزنەسمەندەر عانا جۇمىستى دوعارعان. ال، وزگەدە تىنىعۋ ورىندارى تۋريستەردى قابىلداۋدى جالعاستىرۋدا.

[caption id="attachment_51516" align="aligncenter" width="684"] الماتى وبلىسى بويىنشا تۋريزم باسقارماسىنىڭ باسشىسى جانار الچيمبايەۆا[/caption]

– قازىرگى كەزدە قىزمەت ەتىپ جاتقان ورىنداردىڭ يەلەرى قوناقتارعا ۆيرۋستان ساقتانۋعا بار جاعداي جاساپ، بەتپەردە جانە انتيسەپتيكاتاردى تەگىن تاراتۋدا. ءبىز ولاردىڭ جاۋاپكەرشىلىكتەرىنە سەنىم ارتىپ وتىرمىز. قوس بىردەي الىپ شاھار الماتى مەن نۇر-سۇلتانعا  قاتىناۋعا تىيىم سالىنعاننان كەيىن دەمالىس كەشەنىنە كەلۋشىلەردىڭ سانى ازايىپ جاتىر. سول سەبەپتى بۇل ايماقتا ىندەت تارايدى دەگەن ءقاۋىپ جوق، – دەيدى الماتى وبلىسى بويىنشا تۋريزم باسقارماسىنىڭ باسشىسى جانار الچيمبايەۆا.

دەرتكە داۋا، ەمگە شيپا ىزدەپ دەمالۋعا بارعاندا باسىمىزعا بالە تىلەپ المايىق. «سۇراپ العان اۋىرۋدىڭ ەمى جوق» دەمەكشى ساقتىق شارالارىن باستى نازارعا العان ابزال.

انار سابىروۆا،

الماتى وبلىسى