2025 jylǵy 5 sáýirde Almaty oblysynda «Taza Qazaqstan» respýblikalyq ekologiialyq aktsiiasy aiasynda keń aýqymdy jalpyoblystyq senbilik uiymdastyryldy. Bul shara óńir turǵyndarynyń ekologiialyq mádenietin arttyrýǵa, tazalyq pen tártipti saqtaýǵa baǵyttaldy, dep habarlaidy Dalanews.kz
Senbilikke barlyǵy 31 907 adam, sondai-aq 3 835 kásiporyn men uiym belsene qatysty. Qoǵamdyq tártip pen qorshaǵan ortany qorǵaý maqsatynda júrgizilgen jumystar nátijesinde 1 055 tonna qoqys shyǵarylyp, 330 arnaiy tehnika jumyldyryldy.
Osy kúni óńir aýmaǵynda 8 799 túp aǵash otyrǵyzylyp, kógaldandyrý jáne abattandyrý jumystary qarqyn aldy. Sonymen qatar, 14 538 kóppáterli jáne jeke turǵyn úilerdiń aýlalary tazartylyp, 101 tarihi-mádeni eskertkishter men 316 áleýmettik nysandardyń aýmaǵy retke keltirildi.
Senbilik barysynda óńirdegi 30 ózen, kól jáne sý aidyndarynyń jaǵalaýy qoqystan tazartylyp, tabiǵi aýmaqtardyń tazalyǵyn saqtaý boiynsha aýqymdy jumys atqaryldy.
Bul shara — turǵyndardyń qorshaǵan ortaǵa degen jaýapkershiligin arttyrýmen qatar, ekologiialyq jaǵdaidy jaqsartýǵa baǵyttalǵan mańyzdy qadamdardyń biri. «Taza Qazaqstan» aktsiiasy jalǵasyn taýyp, óńirdegi ekologiialyq ahýaldy jaqsartýǵa óz úlesin qosa bermek.
