2025 جىلعى 5 ساۋىردە الماتى وبلىسىندا «تازا قازاقستان» رەسپۋبليكالىق ەكولوگيالىق اكسياسى اياسىندا كەڭ اۋقىمدى جالپىوبلىستىق سەنبىلىك ۇيىمداستىرىلدى. بۇل شارا ءوڭىر تۇرعىندارىنىڭ ەكولوگيالىق مادەنيەتىن ارتتىرۋعا، تازالىق پەن ءتارتىپتى ساقتاۋعا باعىتتالدى، دەپ حابارلايدى Dalanews.kz
سەنبىلىككە بارلىعى 31 907 ادام، سونداي-اق 3 835 كاسىپورىن مەن ۇيىم بەلسەنە قاتىستى. قوعامدىق ءتارتىپ پەن قورشاعان ورتانى قورعاۋ ماقساتىندا جۇرگىزىلگەن جۇمىستار ناتيجەسىندە 1 055 توننا قوقىس شىعارىلىپ، 330 ارنايى تەحنيكا جۇمىلدىرىلدى.
وسى كۇنى ءوڭىر اۋماعىندا 8 799 ءتۇپ اعاش وتىرعىزىلىپ، كوگالداندىرۋ جانە اباتتاندىرۋ جۇمىستارى قارقىن الدى. سونىمەن قاتار، 14 538 كوپپاتەرلى جانە جەكە تۇرعىن ۇيلەردىڭ اۋلالارى تازارتىلىپ، 101 تاريحي-مادەني ەسكەرتكىشتەر مەن 316 الەۋمەتتىك نىسانداردىڭ اۋماعى رەتكە كەلتىرىلدى.
سەنبىلىك بارىسىندا وڭىردەگى 30 وزەن، كول جانە سۋ ايدىندارىنىڭ جاعالاۋى قوقىستان تازارتىلىپ، تابيعي اۋماقتاردىڭ تازالىعىن ساقتاۋ بويىنشا اۋقىمدى جۇمىس اتقارىلدى.
بۇل شارا — تۇرعىنداردىڭ قورشاعان ورتاعا دەگەن جاۋاپكەرشىلىگىن ارتتىرۋمەن قاتار، ەكولوگيالىق جاعدايدى جاقسارتۋعا باعىتتالعان ماڭىزدى قادامداردىڭ ءبىرى. «تازا قازاقستان» اكسياسى جالعاسىن تاۋىپ، وڭىردەگى ەكولوگيالىق احۋالدى جاقسارتۋعا ءوز ۇلەسىن قوسا بەرمەك.
