پرەمەر-مينيستر ولجاس بەكتەنوۆ پرەزيدەنت قاسىم-جومارت توقاەۆتىڭ «تازا قازاقستان» باستاماسىن ٸسكە اسىرۋ بويىنشا كەڭەس ٶتكٸزٸپ, ٶڭٸرلەرگە زاڭسىز قوقىس الاڭدارىن بيىل تولىق جويۋدى تاپسىردى, دەپ حابارلايدى Dalanews.kz.
كەڭەستە ەكولوگييا جەنە تابيعي رەسۋرستار مينيسترٸ ەرلان نىسانباەۆ تابيعاتتى قورعاۋ شارالارى, اعاش وتىرعىزۋ, زاڭسىز قوقىس پوليگوندارىن جويۋ جەنە قالدىقتاردى ٶڭدەۋ جوبالارى تۋرالى بايانداما جاسادى. سونىمەن قاتار ۆيتسە-پرەمەر ايدا بالاەۆا, عىلىم جەنە جوعارى بٸلٸم مينيسترٸ ساياسات نۇربەك, وقۋ-اعارتۋ مينيسترٸ جۇلدىز سٷلەيمەنوۆا حالىق اراسىندا ەكولوگييالىق مەدەنيەتتٸ نىعايتۋ باعىتىنداعى جۇمىستاردى تانىستىردى.
پرەمەر-مينيستردٸڭ ايتۋىنشا, «تازا قازاقستان» باستاماسى – جاي عانا قوقىس جيناۋ اكتسيياسى ەمەس, جاڭا ەكولوگييالىق مەدەنيەت قالىپتاستىراتىن جالپىۇلتتىق قوزعالىس.
«تابيعاتتى قورعاۋ يدەياسىنا بٷكٸل قوعامدى جۇمىلدىرۋ, ەر ازاماتتىڭ قورشاعان ورتانى تازا ۇستاۋعا اتسالىسۋى – بٸزدٸڭ باستى نەتيجەمٸز بولۋى تيٸس», – دەدٸ بەكتەنوۆ.
مينيسترلٸكتٸڭ مەلٸمەتٸنشە, بيىل «تازا قازاقستان» اياسىندا رەسپۋبليكا بويىنشا 1 250 ەكولوگييالىق ٸس-شارا ٶتكٸزٸلٸپ, 2,8 ملن-نان استام اعاش وتىرعىزىلعان. قالالار مەن اۋىلدارداعى تازالىق جۇمىستارىن قوسقاندا 3,8 ملن اعاش ەگٸلگەن. بٷگٸندە ەل بويىنشا 18 ملن-نان استام كٶشەت وتىرعىزىلىپ, پرەزيدەنتتٸڭ 2025 جىلعا دەيٸنگٸ جوسپارى مەرزٸمٸنەن بۇرىن ورىندالدى.
زاڭسىز قوقىس ورىندارىن جويۋ بويىنشا دا جۇمىستار كٷشەيگەن. عارىشتىق مونيتورينگ نەتيجەسٸندە انىقتالعان 3 833 قوقىس الاڭىنىڭ 80%-ى جويىلدى. وسى باعىتتا 165 لاۋازىمدى تۇلعا ەكٸمشٸلٸك جاۋاپكەرشٸلٸككە تارتىلىپ, 12,4 ملن تەڭگە ايىپپۇل سالىنعان.
«TazaQazBot» پلاتفورماسىنا جىل باسىنان بەرٸ 24 مىڭنان استام ٶتٸنٸش تٷسكەن, ونىڭ 23 مىڭنان استامى ورىندالدى. حالىق نەگٸزٸنەن اۋماقتاردى تازارتۋ, قوقىس شىعارۋ, اباتتاندىرۋ جەنە جول جٶندەۋ مەسەلەلەرٸن كٶتەرگەن.
سونىمەن بٸرگە ەلٸمٸزدە قالدىقتاردى باسقارۋ ينفراقۇرىلىمىن كەڭەيتۋ جۇمىستارى جٷرگٸزٸلۋدە. 8 جاڭا قتق پوليگونى پايدالانۋعا بەرٸلٸپ, قۇنى 89,4 ملرد تەڭگەنٸ قۇرايتىن 22 جوبا ٸسكە اسىرىلۋدا. استانا, الماتى جەنە شىمكەنتتە قوقىس ٶرتەۋ زاۋىتتارىن سالۋ بويىنشا دا كەلٸسٸمدەر جاسالدى.
كەڭەس قورىتىندىسىندا پرەمەر-مينيستر ولجاس بەكتەنوۆ ەكٸمدٸكتەرگە جىل سوڭىنا دەيٸن انىقتالعان بارلىق زاڭسىز قوقىس الاڭدارىن تولىعىمەن جويۋدى قاتاڭ تاپسىردى.
