«Qazaqstan Respýblikasynyń Memlekettik rámizderi týraly» Konstitýtsiialyq Zań 2007 jyly 4 maýsymda qabyldandy. Osy kúnnen bastap tórt qubylamyz túgendeldi desek artyq aitqandyq emes.
Kók bairaq, Eltańba, Ánuran bul júrek tamyrynan aryndap aǵyp jatqan bizdiń qanymyz, ómirimizge mán men sán beretin kieli qundylyǵymyz.
Ataýly mereke qarsańynda Almaty oblysy ishki saiasat basqarmasy men «JETISÝ MEDIA» KMM-si «Kók týdyń jelbiregeni» atty aktsiiany qolǵa aldy.
Suraqtarǵa durys jaýap bergen adamdarǵa bairaǵymyz syiǵa tartyldy. Jalpy alǵanda arnaýly saýaldarǵa halyqtyń basyp kópshiligi naqty jaýap berip, 900 bairaq taratyldy.
Taldyqorǵan qalasyndaǵy «Bolashaq» shaǵyn aýdanyndaǵy eńseli 16 qabatty, úsh birdei turǵyn úige 45 kók týymyz ornatyldy.
Aita keterligi «Jýrnalister úii» ǵimaratynyń qos qaptalyna 3:6 kólemindegi QR memlekettik týy ilindi.
Sharanyń maqsaty – táýelsiz memleket ekenimizdi rastaityn, eldiktiń negizgi tiregine ainalǵan rámizderimizge degen qurmetti arttyrý. Olardyń mańyzy týraly nasihattaý.
Rasynda, memlekettik rámizder bul ulttyń qazynasy. Halyqtyń rýhani kúsh-qýatynyń qainar bastaýy bolǵan memlekettik nyshandardy saqtaý bizge paryz.
Bul sózimizge Almaty oblystyq ishki saiasat basqarmasynyń basshysy Rýstam Áliuly da qosylady. Onyń pikirinshe, Memlekettik rámizder – eldiń ulttyq bolmysyn, derbestigi men táýelsizdigin búkil álemge tanytatyn belgi. Memlekettik rámizdersiz táýelsiz el bolmaidy.
Anar Sabyrova, Almaty oblysy
