«قازاقستان رەسپۋبليكاسىنىڭ مەملەكەتتىك رامىزدەرى تۋرالى» كونستيتۋسيالىق زاڭ 2007 جىلى 4 ماۋسىمدا قابىلداندى. وسى كۇننەن باستاپ ءتورت قۇبىلامىز تۇگەندەلدى دەسەك ارتىق ايتقاندىق ەمەس.
كوك بايراق، ەلتاڭبا، ءانۇران بۇل جۇرەك تامىرىنان ارىنداپ اعىپ جاتقان ءبىزدىڭ قانىمىز، ومىرىمىزگە ءمان مەن ءسان بەرەتىن كيەلى قۇندىلىعىمىز.
اتاۋلى مەرەكە قارساڭىندا الماتى وبلىسى ىشكى ساياسات باسقارماسى مەن «JETISÝ MEDIA» كمم-سى «كوك تۋدىڭ جەلبىرەگەنى» اتتى اكسيانى قولعا الدى.
مەملەكەتتىك قۇندىلىقتارىمىزدى ۇلىقتايتىن يگى شارا بارىسىندا قالا تۇرعىندارى مەن قوناقتارىنا مەملەكەتتىك نىشاندارعا بايلانىستى ينتەلەكتۋالدىق ساۋالدار قويىلدى.
سۇراقتارعا دۇرىس جاۋاپ بەرگەن ادامدارعا بايراعىمىز سىيعا تارتىلدى. جالپى العاندا ارناۋلى ساۋالدارعا حالىقتىڭ باسىپ كوپشىلىگى ناقتى جاۋاپ بەرىپ، 900 بايراق تاراتىلدى.
تالدىقورعان قالاسىنداعى «بولاشاق» شاعىن اۋدانىنداعى ەڭسەلى 16 قاباتتى، ءۇش بىردەي تۇرعىن ۇيگە 45 كوك تۋىمىز ورناتىلدى.
ايتا كەتەرلىگى «جۋرناليستەر ءۇيى» عيماراتىنىڭ قوس قاپتالىنا 3:6 كولەمىندەگى ق ر مەملەكەتتىك تۋى ءىلىندى.
شارانىڭ ماقساتى – تاۋەلسىز مەملەكەت ەكەنىمىزدى راستايتىن، ەلدىكتىڭ نەگىزگى تىرەگىنە اينالعان رامىزدەرىمىزگە دەگەن قۇرمەتتى ارتتىرۋ. ولاردىڭ ماڭىزى تۋرالى ناسيحاتتاۋ.
راسىندا، مەملەكەتتىك رامىزدەر بۇل ۇلتتىڭ قازىناسى. حالىقتىڭ رۋحاني كۇش-قۋاتىنىڭ قاينار باستاۋى بولعان مەملەكەتتىك نىشانداردى ساقتاۋ بىزگە پارىز.
بۇل سوزىمىزگە الماتى وبلىستىق ىشكى ساياسات باسقارماسىنىڭ باسشىسى رۋستام ءالي ۇلى دا قوسىلادى. ونىڭ پىكىرىنشە، مەملەكەتتىك رامىزدەر – ەلدىڭ ۇلتتىق بولمىسىن، دەربەستىگى مەن تاۋەلسىزدىگىن بۇكىل الەمگە تانىتاتىن بەلگى. مەملەكەتتىك رامىزدەرسىز تاۋەلسىز ەل بولمايدى.
انار سابىروۆا، الماتى وبلىسى
