Almaty oblysy Eńbekshiqazaq aýdany "Tolqyn orta mektebi" kommýnaldyq-memlekettik mekemesiniń 2024-2025 oqý jylynyń túlegi úzdik nátijege qol jetkizdi, dep habarlaidy Dalanews.kz
Qýandyq Sanjar Ǵalymjanuly UBT-da eń joǵary 140 baldy jinady.
«Bul – úlken eńbektiń, talmai izdenistiń jáne sapaly bilimniń jemisi. Sanjardyń jetistigi – ustazdary men ata-anasynyń qoldaýynyń, júieli daiyndyqtyń aiqyn kórinisi. Osy oraida, bilimge degen umtylysy men tabandylyǵy úshin Qýandyq Sanjar Ǵalymjanulyn shyn júrekten quttyqtaimyz! Aldaǵy oqýynda da sáttilik serik bolyp, bolashaqta el damýyna óz úlesin qosatynyna senimimiz mol», – dedi oblys ákimi Marat Sultanǵaziev.
“Tolqyn orta mektebiniń” ujymy men túlektiń ata-analary da bul jetistikke erekshe qýanyp, shákirtteriniń biik belesterdi baǵyndyra berýine tilektestik bildirdi.
Aita keteiik, biylǵy “Naýryz” UBT-sy joǵary básekelestik jaǵdaiynda ótip, talapkerlerge bilimderin dáleldeýge múmkindik berdi.
Naýryzdaǵy UBT 1 naýryz ben 6 sáýir aralyǵynda ótip jatyr. Naýryzdaǵy UBT-ǵa shartty túrde aqyly negizde kúndizgi oqý nysany boiynsha joǵary oqý oryndaryna qabyldanǵan, ótken jylǵy mektep jáne kolledj túlekteri, QR azamaty bolyp tabylmaityn ulty qazaq tulǵalar, sondai-aq mektep bitiretin túlekter joǵary oqý oryndaryna aqyly negizde túsý úshin qatysady.
