Amerikalyq PepsiSo kompaniiasy Almaty oblysyndaǵy jańa zaýytqa $160 mln jeke investitsiia salady.
Premer-Ministr Oljas Bektenov Resei, Belarýs, Kavkaz, Ortalyq Aziia elderindegi PepsiSo azyq-túlik ónerkásibi salasyndaǵy iri transulttyq korporatsiiasynyń Prezidenti David Manzinimen kezdesý ótkizdi. Negizgi másele – Memleket basshysy Qasym-Jomart Toqaev pen PepsiCo Prezidenti Ramon Lagýarta arasynda qol jetkizilgen ýaǵdalastyqtardy iske asyrý. Almaty oblysynda Lays qytyrlaq kartoptary sekildi tuzdy jeńil taǵamdar óndiretin zaýyt salý jobasy talqylandy.
Búgingi tańda snekter shyǵaratyn tolyqqandy jańa zaýytqa $160 mln kólemindegi sheteldik jeke investitsiia bólindi. Óndiristi lokalizatsiialaý jáne innovatsiialyq tehnologiialar transferi qazaqstandyq aýyl sharýashylyǵy ónimderin tereń óńdeýdiń jańa deńgeiine ótýge múmkindik beretinin atap ótken jón. Iske qosylǵannan keiin bul Ortalyq Aziiadaǵy eń iri joba bolmaq. Zaýytty 2026 jyly iske qosylady dep josparlanyp otyr. Qýaty – jylyna 16 myń tonnaǵa deiin daiyn ónim shyǵarady. Keiinnen 2027 jyldan bastap 21 myń tonnaǵa deiin ulǵaitylady. Daiyn ónim Ortalyq Aziia naryǵyna jáne odan tysqary jerlerge jetkiziletin bolady.
Qurylys kezeńinde myńǵa jýyq adam jumysqa tartylady, al jobanyń ózinde 350-ge jýyq bilikti mamanǵa arnalǵan jumys ornyn ashý josparlanyp otyr. David Manzini jobany júzege asyrý barysynda kompaniia negizinen jergilikti shikizatty satyp alýǵa nietti ekenin aitty. Qazaqstandyq fermerlermen kartoptyń synaq partiialaryn jetkizýge kelisimsharttar jasasý boiynsha jumys júrgizilip jatyr.
2026-2030 jyldary 50-66 myń tonnaǵa jýyq, keiinirek satyp alynatyn kartop kólemin odan ári ulǵaitý josparda bar. Protsesterdiń tehnologiialyǵyn eskere otyryp, joǵary qaita óńdeý deńgeii qamtamasyz etiledi, al jańa ozyq ádister ekologiialyq turaqtylyq qaǵidattaryna sáikes kelýge múmkindik beredi. Osylaisha, jańa zaýyttyń qaldyqtary 100% qaita óńdelip, kádege jaratylady.
Kompaniia jobany qysqa merzimde iske asyrýǵa múddeli. Qazaqstanda qurylǵan qolaily investitsiialyq ahýal qazirdiń ózinde jobany damytýdyń kelesi kezeńderin pysyqtaýǵa múmkindik beredi. Keiin PepsiCo ónimderdiń basqa da kóptegen túrin shyǵarý úshin zaýytty jańǵyrtýǵa taǵy da investitsiia salady. Úkimet basshysy Oljas Bektenov bul jobanyń aýyl sharýashylyǵyn damytý, qazaqstandyq sharýalardyń tabysyn arttyrý jáne jalpy alǵanda ekonomikany nyǵaitý úshin mańyzyn atap ótti. Sebebi osyndai aýqymdy investitsiialyq bastamalar Prezidenttiń ekonomikany ártaraptandyrý boiynsha alǵa qoiǵan maqsattaryna sáikes keledi. Jobanyń azyq-túlik ónerkásibi men AÓK úshin mańyzymen qatar, zaýyt qurylysy irgeles kólik, logistika, aýyl sharýashylyǵy ónimderin qaptaý jáne qaita óńdeý salalaryna mýltiplikativ áser etedi.
«AQSh – Qazaqstannyń mańyzdy investitsiialyq seriktesteriniń biri. Qazaqstan PepsiCo sekildi strategiialyq investorlarmen uzaqmerzimdi yntymaqtastyqqa múddeli. Biz investitsiialardy qorǵaýǵa qatysty mindettemelerdi saqtaimyz jáne qoldaýǵa daiynbyz», — dep atap ótti Oljas Bektenov.
Zaýyt Úkimettiń erekshe baqylaýyndaǵy basym investitsiialyq jobalar pýlyna engizilgen. Jalpy osy jyldyń birinshi toqsanynyń qorytyndysy boiynsha pýl 122,5 myń jumys ornyn ashatyn, 32 trln teńgeni quraityn 704 jobadan turady. Kezdesý qorytyndysy boiynsha taraptar Qazaqstannyń azyq-túlik áleýetin arttyrýǵa yqpal etetin jańa jobalardy júzege asyrý boiynsha ózara is-qimyldy keńeitý jáne uzaqmerzimdi yntymaqtastyqty qurý nietin rastady.
