الماتى وبلىسىندا Lays قىتىرلاق كارتوبىن شىعاراتىن زاۋىت سالىنادى

Dalanews 14 ماۋ. 2024 15:59 4216

امەريكالىق Pepsiسo كومپانياسى الماتى وبلىسىنداعى جاڭا زاۋىتقا $160 ملن جەكە ينۆەستيسيا سالادى.

پرەمەر-مينيستر ولجاس بەكتەنوۆ رەسەي، بەلارۋس، كاۆكاز، ورتالىق ازيا ەلدەرىندەگى Pepsiسo ازىق-تۇلىك ونەركاسىبى سالاسىنداعى ءىرى ترانسۇلتتىق كورپوراسياسىنىڭ پرەزيدەنتى داۆيد مانزينيمەن كەزدەسۋ وتكىزدى. نەگىزگى ماسەلە – مەملەكەت باسشىسى قاسىم-جومارت توقايەۆ پەن PepsiCo پرەزيدەنتى رامون لاگۋارتا اراسىندا قول جەتكىزىلگەن ۋاعدالاستىقتاردى ىسكە اسىرۋ. الماتى وبلىسىندا Lays قىتىرلاق كارتوپتارى سەكىلدى تۇزدى جەڭىل تاعامدار وندىرەتىن زاۋىت سالۋ جوباسى تالقىلاندى.

بۇگىنگى تاڭدا سنەكتەر شىعاراتىن تولىققاندى جاڭا زاۋىتقا $160 ملن كولەمىندەگى شەتەلدىك جەكە ينۆەستيسيا ءبولىندى. ءوندىرىستى لوكاليزاسيالاۋ جانە يننوۆاسيالىق تەحنولوگيالار ترانسفەرى قازاقستاندىق اۋىل شارۋاشىلىعى ونىمدەرىن تەرەڭ وڭدەۋدىڭ جاڭا دەڭگەيىنە وتۋگە مۇمكىندىك بەرەتىنىن اتاپ وتكەن ءجون. ىسكە قوسىلعاننان كەيىن بۇل ورتالىق ازياداعى ەڭ ءىرى جوبا بولماق. زاۋىتتى 2026 جىلى ىسكە قوسىلادى دەپ جوسپارلانىپ وتىر. قۋاتى – جىلىنا 16 مىڭ تونناعا دەيىن دايىن ءونىم شىعارادى. كەيىننەن 2027 جىلدان باستاپ 21 مىڭ تونناعا دەيىن ۇلعايتىلادى. دايىن ءونىم ورتالىق ازيا نارىعىنا جانە ودان تىسقارى جەرلەرگە جەتكىزىلەتىن بولادى.

قۇرىلىس كەزەڭىندە مىڭعا جۋىق ادام جۇمىسقا تارتىلادى، ال جوبانىڭ وزىندە 350-گە جۋىق بىلىكتى مامانعا ارنالعان جۇمىس ورنىن اشۋ جوسپارلانىپ وتىر. داۆيد مانزيني جوبانى جۇزەگە اسىرۋ بارىسىندا كومپانيا نەگىزىنەن جەرگىلىكتى شيكىزاتتى ساتىپ الۋعا نيەتتى ەكەنىن ايتتى. قازاقستاندىق فەرمەرلەرمەن كارتوپتىڭ سىناق پارتيالارىن جەتكىزۋگە كەلىسىمشارتتار جاساسۋ بويىنشا جۇمىس جۇرگىزىلىپ جاتىر.

2026-2030 جىلدارى 50-66 مىڭ تونناعا جۋىق، كەيىنىرەك ساتىپ الىناتىن كارتوپ كولەمىن ودان ءارى ۇلعايتۋ جوسپاردا بار. پروسەستەردىڭ تەحنولوگيالىعىن ەسكەرە وتىرىپ، جوعارى قايتا وڭدەۋ دەڭگەيى قامتاماسىز ەتىلەدى، ال جاڭا وزىق ادىستەر ەكولوگيالىق تۇراقتىلىق قاعيداتتارىنا سايكەس كەلۋگە مۇمكىندىك بەرەدى. وسىلايشا، جاڭا زاۋىتتىڭ قالدىقتارى 100% قايتا وڭدەلىپ، كادەگە جاراتىلادى.

كومپانيا جوبانى قىسقا مەرزىمدە ىسكە اسىرۋعا مۇددەلى. قازاقستاندا قۇرىلعان قولايلى ينۆەستيسيالىق احۋال ءقازىردىڭ وزىندە جوبانى دامىتۋدىڭ كەلەسى كەزەڭدەرىن پىسىقتاۋعا مۇمكىندىك بەرەدى. كەيىن PepsiCo ونىمدەردىڭ باسقا دا كوپتەگەن ءتۇرىن شىعارۋ ءۇشىن زاۋىتتى جاڭعىرتۋعا تاعى دا ينۆەستيسيا سالادى. ۇكىمەت باسشىسى ولجاس بەكتەنوۆ بۇل جوبانىڭ اۋىل شارۋاشىلىعىن دامىتۋ، قازاقستاندىق شارۋالاردىڭ تابىسىن ارتتىرۋ جانە جالپى العاندا ەكونوميكانى نىعايتۋ ءۇشىن ماڭىزىن اتاپ ءوتتى. سەبەبى وسىنداي اۋقىمدى ينۆەستيسيالىق باستامالار پرەزيدەنتتىڭ ەكونوميكانى ءارتاراپتاندىرۋ بويىنشا العا قويعان ماقساتتارىنا سايكەس كەلەدى. جوبانىڭ ازىق-تۇلىك ونەركاسىبى مەن اوك ءۇشىن ماڭىزىمەن قاتار، زاۋىت قۇرىلىسى ىرگەلەس كولىك، لوگيستيكا، اۋىل شارۋاشىلىعى ونىمدەرىن قاپتاۋ جانە قايتا وڭدەۋ سالالارىنا مۋلتيپليكاتيۆ اسەر ەتەدى.

«اقش – قازاقستاننىڭ ماڭىزدى ينۆەستيسيالىق سەرىكتەستەرىنىڭ ءبىرى. قازاقستان PepsiCo سەكىلدى ستراتەگيالىق ينۆەستورلارمەن ۇزاقمەرزىمدى ىنتىماقتاستىققا مۇددەلى. ءبىز ينۆەستيسيالاردى قورعاۋعا قاتىستى مىندەتتەمەلەردى ساقتايمىز جانە قولداۋعا دايىنبىز»، — دەپ اتاپ ءوتتى ولجاس بەكتەنوۆ.

زاۋىت ۇكىمەتتىڭ ەرەكشە باقىلاۋىنداعى باسىم ينۆەستيسيالىق جوبالار پۋلىنا ەنگىزىلگەن. جالپى وسى جىلدىڭ ءبىرىنشى توقسانىنىڭ قورىتىندىسى بويىنشا پۋل 122،5 مىڭ جۇمىس ورنىن اشاتىن، 32 ترلن تەڭگەنى قۇرايتىن 704 جوبادان تۇرادى. كەزدەسۋ قورىتىندىسى بويىنشا تاراپتار قازاقستاننىڭ ازىق-تۇلىك الەۋەتىن ارتتىرۋعا ىقپال ەتەتىن جاڭا جوبالاردى جۇزەگە اسىرۋ بويىنشا ءوزارا ءىس-قيمىلدى كەڭەيتۋ جانە ۇزاقمەرزىمدى ىنتىماقتاستىقتى قۇرۋ نيەتىن راستادى.


ۇسىنىلعان
سوڭعى جاڭالىقتار