Mektep tolyǵymen zamanaýi jabdyqtarmen jabdyqtalǵan. Ár kabinette ár muǵalimniń aldynda kompiýter bar. Odan bólek, jeke kompiýter klasy, qyzdar men ul balalarǵa sheberhana jáne zerthana kabinetteri bar.
Qosaǵash orta mektebiniń qurylysy 2019 jyldyń sáýirinde bastalyp, 2020 qyrkúieginde qoldanysqa berildi. Joba quny 700 mln teńgeni qurady. Qarajat Almaty oblystyq biýdjetinen bólindi.
- Búgin kópten kútken mekteptiń ashylýy bolyp jatyr. Aýylymyzda jańa mektep boi kóterdi. Oqýshylar men ata-analardyń qýanyshynda shek joq. Burynǵy mekteptiń jaǵdaiy nashar bolǵan. Endi muǵalimder jańa kompiýterlik synypta, interaktivti taqtamen sabaq beretin bolady, - dep atap ótti Kóksý aýyldyq okrýginiń ákimi Áliia Bahtiiarova.
Jańa mektep 38 adamdy jańa jumys ornymen qamtidy. Onyń 29-y - ustazdar qaýymy. Muǵalimder Ustazdar kúni merekesi qarsańynda bizge úlken syi boldy dep qýanýda.
Aita keteiik, odan bólek Kerbulaq aýdanynda "Jumyspen qamtý jol kartasy - 2020" baǵdarlamasy aiasynda Sarybastaý orta mektebi jáne "Aýyl – el besigi" baǵdarlamasy aiasynda Sarybulaq orta mektebi kúrdeli jóndeýden ótýde.
