Almaty oblysynda 25 shildede joǵalyp ketken áskeri tikushaqtyń ishinara synyqtary men bir adamnyń máiiti tabyldy,- dep habarlaidy Dalanews.kz QR Qorǵanys ministrliginiń baspasóz qyzmetine silteme jasap.
Ministrliktiń málimetinshe, oqiǵa oryn alǵan alǵashqy saǵattardan bastap táýlik boiy izdestirý-qutqarý jumystary júrgizilgen. Operatsiiaǵa Qorǵanys ministrligi, Tótenshe jaǵdailar ministrligi, Ishki ister ministrligi jáne basqa da vedomstvolardyń kúshteri jumyldyryldy.
«Qazaqstan Ǵarysh Sapary» AQ qoldaýymen spýtniktik derekter jáne matematikalyq esepteýler arqyly tikushaqtyń yqtimal ornalasqan aimaǵy anyqtalǵan. Arnaiy tehnika men izdeý toptary dereý sol aýdanǵa jóneltildi.
"Sý astynda júrgizilgen jumystar kezinde shamamen 14 metr tereńdikten tikushaqtyń ishinara bólshekteri jáne bir adamnyń máiiti tabyldy. Qazirgi ýaqytta sáikestendirý protsedýrasy júrgizilip jatyr", - delingen habarlamada.
Izdeý jumystary sý astyndaǵy kórinýdiń nasharlyǵy men laily tunbalarǵa bailanysty qiyndyq týǵyzǵan. Soǵan qaramastan, jumyldyrylǵan kúshter operatsiiany múmkindiginshe tez aiaqtaý úshin úilesimdi jumys isteýde.
Eske salaiyq, Áýe qorǵanys kúshteriniń EC-145 tikushaǵy bortynda úsh áskeri qyzmetshimen birge 25 shildede Lýgovoe eldi mekeninen josparly ushyp shyqqannan keiin bailanysqa shyqpai qalǵan. Keiin Sorbulaq sý qoimasy mańynda ǵaryshtan túsirilgen sýrette maily daq baiqalyp, sol jerde áýe kemesiniń synyqtary tabylǵan edi.
