2020 jyldyń qańtar – shilde ailarynda oblysta ekonomikanyń negizgi salalarynda ósim qamtamasyz etilgen. Almaty oblystyq ekonomika jáne biýdjettik josparlaý basqarmasynyń málimetine qaraǵanda, óńdeý ónerkásibiniń, onyń ishinde tamaq ónimderin, temeki buiymdaryn óndirý, farmatsevtika, elektr jabdyǵyn óndirýdiń joǵarylaýy esebinen (105,9%) ónerkásiptik óndiris kólemi 5%-ke ulǵaiyp, 636,0 mlrd teńgeni qurady.
Aýyl sharýashylyǵyndaǵy ósim 2,4%, iaǵni 264,2 mlrd teńgege jetken, et jáne sút óndirisi artty.
Karantin kezeńinde toqtamai jumys istegen salanyń biri – qurylys. Sonyń nátijesinde bul saladaǵy jumystardyń kólemi 6,6%-ke ósip, 119,4 mlrd. teńge boldy. Atap aitqanda, 525 myń sharshy metr turǵyn úi iske qosylǵan. Ekonomika jáne biýdjettik josparlaý basqarmasyndaǵylar osy jyly investitsiia tartý isiniń de báseńdemegenin aitady. Olardyń málimetine súiensek, jeti ai ishinde oblysqa 292,5 mlrd. teńge investitsiia tartylyp, ósim 9,3%-ti quraǵan.
