Qandy oqiǵa Talǵar aýdanyna qarasty Panfilov aýylynda bolǵan. Kórshiler egde jastaǵy erli-zaiypty baqshasynda ósirgen gúlderdi satyp, ermek qylatynyn aitady. Qylmysker óz jaýyzdyǵyn jasyrý úshin úige ot qoiyp ketken,dep habarlaidy Dalanews.kz KTK telearnasyna silteme jasap.
Bastapqyda úi ieleri órt kezinde qaza tapqan dep boljanǵan. Alaida saraptama qorytyndysy olardyń asqan qatygezdikpen óltirilgenin kórsetti. Kúdikti tańǵy saǵat 9-10-nyń shamasynda kórshileriniń úiine qorshaýdan sekirip kirip, altyny men aqshasyn urlamaq bolǵan kórinedi. 79 jáne 75 jastaǵy erli-zaiyptynyń denesinen kóptegen pyshaq jaraqaty tabylǵan. Politseiler men kýágerler kelgende máiitter jartylai jalańash kúide jerde jatypty. Qazir osy sumdyq oqiǵa boiynsha qylmystyq is qozǵalyp, 38 jastaǵy sol aýyldyń turǵyny kúdikti dep tanylǵan. Ol buǵan deiin de birneshe ret isti bolǵan eken.
Aýyl turǵyndarynyń aitýynsha, onyń abaqtydan shyqqanyna nebári eki-aq apta ótipti.
"Qylmys bolǵan úidiń esigine mór basylyp, kúdiktini quryqtaý úshin jedel-tergeý toby quryldy. Barlyq shara júrgizilip jatyr", - deidi Almaty oblysy politsiia departamentiniń ókilderi.
Buǵan deiin Almatyda 83 jastaǵy Amantai qajyǵa qatysty qylmystyq is qozǵalǵanyn jazǵanbyz.
