قاندى وقيعا تالعار اۋدانىنا قاراستى پانفيلوۆ اۋىلىندا بولعان. كٶرشٸلەر ەگدە جاستاعى ەرلٸ-زايىپتى باقشاسىندا ٶسٸرگەن گٷلدەردٸ ساتىپ, ەرمەك قىلاتىنىن ايتادى. قىلمىسكەر ٶز جاۋىزدىعىن جاسىرۋ ٷشٸن ٷيگە وت قويىپ كەتكەن,دەپ حابارلايدى Dalanews.kz كتك تەلەارناسىنا سٸلتەمە جاساپ.
باستاپقىدا ٷي يەلەرٸ ٶرت كەزٸندە قازا تاپقان دەپ بولجانعان. الايدا ساراپتاما قورىتىندىسى ولاردىڭ اسقان قاتىگەزدٸكپەن ٶلتٸرٸلگەنٸن كٶرسەتتٸ. كٷدٸكتٸ تاڭعى ساعات 9-10-نىڭ شاماسىندا كٶرشٸلەرٸنٸڭ ٷيٸنە قورشاۋدان سەكٸرٸپ كٸرٸپ, التىنى مەن اقشاسىن ۇرلاماق بولعان كٶرٸنەدٸ. 79 جەنە 75 جاستاعى ەرلٸ-زايىپتىنىڭ دەنەسٸنەن كٶپتەگەن پىشاق جاراقاتى تابىلعان. پوليتسەيلەر مەن كۋەگەرلەر كەلگەندە مەيٸتتەر جارتىلاي جالاڭاش كٷيدە جەردە جاتىپتى. قازٸر وسى سۇمدىق وقيعا بويىنشا قىلمىستىق ٸس قوزعالىپ, 38 جاستاعى سول اۋىلدىڭ تۇرعىنى كٷدٸكتٸ دەپ تانىلعان. ول بۇعان دەيٸن دە بٸرنەشە رەت ٸستٸ بولعان ەكەن.
اۋىل تۇرعىندارىنىڭ ايتۋىنشا, ونىڭ اباقتىدان شىققانىنا نەبەرٸ ەكٸ-اق اپتا ٶتٸپتٸ.
"قىلمىس بولعان ٷيدٸڭ ەسٸگٸنە مٶر باسىلىپ, كٷدٸكتٸنٸ قۇرىقتاۋ ٷشٸن جەدەل-تەرگەۋ توبى قۇرىلدى. بارلىق شارا جٷرگٸزٸلٸپ جاتىر", - دەيدٸ الماتى وبلىسى پوليتسييا دەپارتامەنتٸنٸڭ ٶكٸلدەرٸ.
بۇعان دەيٸن الماتىدا 83 جاستاعى امانتاي قاجىعا قاتىستى قىلمىستىق ٸس قوزعالعانىن جازعانبىز.
